Esra 10:14 - Pijin Bible

¹⁴ Hemi gud sapos olketa lida blong yumi i lukluk long trabol ya, an bae mifala gobaek long taon blong mifala. Bihaen, evriwan hu hemi maritim hiden woman blong narafala kantri, bae hemi mekem miting wetem olketa lida an olketa jaj long taon blong hem, fo stretem disfala trabol. Long wei ya nao, bae bikfala kros blong God from disfala bik sin blong yumi, hemi save finis nao.”

Pijin Deuterocanon

¹⁴ Hemi gud sapos olketa lida blong yumi i lukluk long trabol ya, an bae mifala gobaek long taon blong mifala. Bihaen, evriwan hu hemi maritim hiden woman blong narafala kantri, bae hemi mekem miting wetem olketa lida an olketa jaj long taon blong hem, fo stretem disfala trabol. Long wei ya nao, bae bikfala kros blong God from disfala bik sin blong yumi, hemi save finis nao.”

Esra 10:14 ပူးပေါင်းရင်းမြစ်များ

2 Kings 23:26

Nomata olsem, Yawe hemi gohed fo kros yet long olketa nogud samting wea King Manase hemi bin duim bifoa wea hemi mekem hem kros fogud long olketa pipol blong Jiuda.

2 Kronikols 28:11

!Yufala lisin kam! !Yawe hemi kros finis long yufala! !Yufala mas sendem gobaek olketa wantok blong yufala wea yufala bin kasholem!”

2 Kronikols 29:10

“Distaem mi tingting fo mekem wanfala spesol agrimen wetem Yawe hu hemi God blong Israel, mekem hemi no kros moa long yumi.

2 Kronikols 30:8

Yufala mas no bikhed olsem olketa ya. Yufala mas obeim Yawe. Hemi mekem Tambuhaos blong hem long Jerusalem fo kamap holi moa, an bae hemi stap holi olowe. Yufala kam long Tambuhaos ya fo wosipim hem, mekem hemi no kros moa long yufala.

Esra 10:13

Bat plande man tumas hemi stap long ples ya, an bikfala ren nao hemi foldaon kam, mekem yumi no save gohed fo stap aotsaet. An disfala bik trabol ya, yumi no save stretem long tu-tri de nomoa, bikos sin blong mifala ya hemi bik tumas.

Esra 10:15

Olketa agri long toktok ya. Bat Jonatan, san blong Asahel, an Jasea, san blong Tikva, tufala no agri long hem. An Mesulam wetem Sabetae hu hemi wanfala Livaet, tufala sapotem tufala ya.

Sams 78:38

Nomata olketa i olsem, God hemi sore yet long olketa, so hemi fogivim olketa sin blong olketa, an hemi no spoelem olketa. Plande taem hemi kros tumas long olketa, bat hemi holembaek nomoa kros blong hem.

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Nambas 25:4

Den Yawe hemi tok olsem long Mosis, “Yu kolem kam olketa bikman blong pipol an kilim olketa dae, an hangem olketa bodi blong olketa long frant long Tambu Haostent long ae blong pipol. Duim olsem, mekem mi no barava kros fogud long yufala.”

Diutronomi 13:17

Evrisamting blong datfala taon i tambu an yufala mas nating tekem enisamting blong hem. Sapos yufala falom disfala toktok, Yawe bae hemi lusim kros long yufala, an bae hemi sore long yufala. Taem yufala obeim olketa lo blong hem wea mi givim long yufala tude, an yufala duim wanem hemi stret long ae blong hem, bae hemi kaen long yufala, an bae hemi mekem yufala fo kamap plande olsem wea hemi promis finis long olketa olo blong yufala bifoa.”

Diutronomi 17:9

Yufala mas talemaot datfala trabol long olketa prist blong traeb blong Livae, an talemaot tu long olketa jaj long kot long dea. Olketa nao mas jajem trabol ya.

Josua 7:26

Olketa hipimap olketa ston antap long bodi blong olketa, an hip ston ya hemi stap yet ka-kam kasem tude. Hem nao olketa kolem ples ya Akoa Vali, wea hemi minim “Trabol Vali.” Bihaen, Yawe hemi no kros moa long olketa pipol blong Israel.