Esikiel 8:11 - Pijin Bible

¹¹ Seventifala lida long olketa pipol blong Israel nao i stap insaet long rum ya, an Jaasanaea, san blong Safan, hemi wanfala long olketa. Olketa evriwan i holem dis fo bonem insens, an smok blong insens ya hemi gohed fo goap.

Pijin Deuterocanon

¹¹ Seventifala lida long olketa pipol blong Israel nao i stap insaet long rum ya, an Jaasanaea, san blong Safan, hemi wanfala long olketa. Olketa evriwan i holem dis fo bonem insens, an smok blong insens ya hemi gohed fo goap.

Esikiel 8:11 ပူးပေါင်းရင်းမြစ်များ

2 Kings 22:12

An hemi kolem kam Haeprist Hilkaea, an Ahikam san blong Safan, an Akboa san blong Maekaea, an Sekretri Safan, an Asaea wakaman blong hem. An taem olketa kam, hemi tok olsem long olketa,

2 Kings 22:14

Nao wanfala woman profet hemi stap, wea nem blong hem Hulda. An hasban blong hem hemi Salum. Salum hemi lukaftarem olketa kaleko blong Tambuhaos, an hemi san blong Tikva hu hemi san blong Hahas. Profet Hulda hemi stap kam long niufala seksin blong Jerusalem wea olketa kolem Mektu Eria. Hilkaea, an Ahikam, an Akboa, an Safan, an Asaea i go lukim Hulda, an talem evrisamting ya long hem.

2 Kings 22:3

Oraet, long mekeitin yia wea King Josaea hemi king long Jiuda, hemi kolem kam Safan, sekretri blong hem, fo go long Tambuhaos blong Yawe. Man ya, hemi san blong Asalia hu hemi san blong Mesulam. King hemi tok olsem long hem,

2 Kings 22:8

Taem Safan hemi go long Haeprist Hilkaea, Haeprist hemi tok olsem long hem, “Mi faendem buk blong Lo insaet long Tambuhaos blong Yawe.” An hemi givim buk ya long Safan fo ridim.

2 Kings 25:22

Long datfala taem, King Nebukadnesa blong Babilonia hemi siusim Gedalaea, san blong Ahikam hu hemi san blong Safan, nao hemi mekem hemi kamap gavna blong provins blong Jiuda. Nao hemi gohed fo lukaftarem olketa pipol wea i stap yet long Jiuda wea olketa no go long Babilonia.

2 Kronikols 26:16

Bat taem King Yusaea hemi kamap strong fogud, hemi praod tumas go-go hemi bagarap. Hemi mekem sin agensim Yawe hu hemi God blong hem taem hemi go insaet long Tambuhaos blong Yawe fo hemi bonem insens long Olta fo Bonem Insens.

2 Kronikols 26:19

Bat Yusaea hemi holem wanfala dis an hemi redi fo bonem insens. Hemi kros tumas an faerem olketa prist. So long disfala tambu ples long frant long Olta fo Bonem Insens, seknomoa, wanfala ravis sik blong skin hemi kam long fohed blong hem.

2 Kronikols 34:20

An hemi kolem kam Haeprist Hilkaea, an Ahikam san blong Safan, an Akboa san blong Maekaea, an Sekretri Safan, an Asaea hu hemi wakaman blong hem. An taem olketa kam, hemi tok olsem long olketa,

Eksodas 24:1

Yawe hemi gohed fo tok olsem long Mosis, “Yu tekem Eron, an Nadab, an Abihu, wetem seventi long olketa lida blong yufala, an yufala kamap long mi Yawe antap long disfala maonten. An taem yufala kam farawe lelebet yet, bae yufala mas bendaon fo wosipim mi.

Eksodas 24:9

Nao Mosis wetem Eron, an Nadab, an Abihu an olketa seventifala lida ya i go antap long maonten ya,

Aesaea 44:13

Yufala tingim fastaem. Wanfala kapenta hemi drom piksa blong man long wanfala pis stik. Nao hemi tekem tul blong hem an hemi wakem wanfala naes kaving god wea hemi barava luk olsem wanfala man. Bihaen, hemi putumap kaving ya long tambu ples long haos blong hem fo prea long hem.

Jeremaea 19:1

(Profet) Yawe nao hemi tok olsem long mi, “Yu go peim wanfala pot long graon, nao yu tekem samfala long olketa lida, an samfala bikman long olketa prist.

Jeremaea 19:4

Bae mi duim olsem bikos olketa pipol long ples i lusim mi finis an spoelem ples ya. Olketa bin tekem kam olketa god blong narafala kantri fo wosipim. Olketa bin mekem sakrifaes wea i barava bone long olketa god ya nomata olketa wetem olketa grani bifoa an olketa olfala king blong Jiuda tu i no save long olketa god ya. Olketa mekem disfala ples hemi fulap fogud long blad blong olketa stretfala man.

Jeremaea 26:22

Bat King Jehoeakim hemi sendem Elnatan, san blong Akboa, go long Ijip wetem samfala man blong hem.

Jeremaea 26:24

Bat Profet Jeremaea ya, wanfala bikman wea nem blong hem Ahikam, san blong Safan, hemi saet wetem hem, so olketa lida ya i no givim hem long olketa pipol fo kilim hemi dae.

Jeremaea 29:3

Hemi givim leta ya long tufala man, Elasa, san blong Safan, an Gemaraea, san blong Hilkaea, wea King Sedekaea blong Jiuda hemi sendem tufala go long King Nebukadnesa. Toktok blong leta ya hemi olsem:

Jeremaea 44:21

“Bifoa, taem yumi stap long Jiuda, yufala wetem olketa grani blong yufala, an olketa king wetem olketa bikman blong yufala, an olketa narafala man blong Jiuda, yufala gohed fo bonem insens long olketa taon long Jiuda an olobaot long Jerusalem. ?Waswe, yufala tingse Yawe hemi no save abaotem olketa samting ya, o hemi fogetem finis? !Nomoa! !Hemi no save fogetem ya!

Jeremaea 5:5

So bae mi go lukim olketa lida blong olketa, an bae mi toktok wetem olketa. Ating olketa nao mas save gudfala long stretfala wei blong Yawe an long olketa lo blong hem.” Bat tingting blong olketa lida evriwan i semsem nomoa fo no falom olketa lo blong Yawe, an olketa falom nomoa ravis wei blong olketa seleva.

Jeremaea 7:9

Oltaem yufala stil, an kilim dae olketa pipol, an brekem lo blong marit, an brekem olketa promis wea yufala mekem. Yufala gohed fo bonem insens go long god Baal, an wosipim olketa narafala god wea yufala no save long olketa bifoa.

Esikiel 20:1

Long mekten de long mekfaev mans long mekseven yia from taem wea olketa bin fosim mifala fo kam stap long Babilonia, samfala long olketa lida blong Israel i kam an sidaon frant long mi, fo faendemaot wanem nao tingting blong Yawe.

Esikiel 8:10

So, mi go insaet an mi lukim dat olketa ya i drom enikaen piksa nomoa olobaot long olketa wol blong rum ya. Olketa bin drom piksa blong olketa snek an lisad, an olketa animol wea i no klin long ae blong God, an olketa ravis kaving blong olketa narafala samting wea olketa blong Israel i gohed fo wosipim.

Esikiel 9:6

Yufala mas kilim dae evri ol man, an evri yang man, an evri yang woman, an evri mami wetem evri pikinini blong olketa. Bat olketa hu i garem mak long fohed blong olketa, yufala mas no kilim olketa dae. Bae yufala stat kil kam long disfala Tambuhaos blong mi.” So, olketa stat long ples ya an kilim dae evri lida hu i stanap frant long Tambuhaos.

Daniel 9:8

Masta, olketa king an olketa bikman blong mifala, an olketa grani blong mifala, an mifala evriwan, mifala bin duim olketa samting wea hemi fitim fo mifala sem tumas long hem, an mifala sin agensim yu.

Nambas 11:16

Yawe hemi tok olsem long Mosis, “Yu kolem kam seventifala gudfala man long olketa lida blong Israel, an mekem olketa fo stanap wetem yu long Tambu Haostent blong mi.

Nambas 11:25

Yawe hemi kamdaon long klaod an hemi toktok wetem Mosis. Hemi tekem samfala paoa blong Spirit blong hem wea hemi bin givim long Mosis bifoa, an givim paoa blong Spirit long seventifala lida ya tu. An taem paoa blong Spirit blong hem hemi kam long olketa, seventifala lida ya i toktok olsem olketa profet, bat olketa duim wanfala taem nomoa.

Nambas 16:17

Evriwan long olketa 250 lida hu i saet wetem yu mas tekem kam dis blong olketa seleva, an bae evriwan mas bonem insens long dis ya long frant long Yawe. An yu an Eron mas tekem kam dis blong yutufala tu.”

Nambas 16:35

Long semtaem nomoa Yawe hemi sendem kamdaon wanfala faea wea hemi bonem finis olketa 250 man hu i bin ofarem kam insens.

Gudnius abaotem Jisas Kraes wea Luk hemi raetem 10:1

Bihaen long diswan, Masta hemi siusim seventi-tu man moa, an hemi sendem olketa fo go olsem tufala man long wanfala ples, an tufala moa long nara ples. Diswan hemi fo mekem olketa fo go fastaem long evri taon an long evri ples wea Jisas bae hemi go long hem bihaen.