Esikiel 48:21 - Pijin Bible

^21-22 “Long tufala saet long disfala lan long midol, bae tufala bikfala haf hemi stap yet. Wanfala haf blong hem long ist saet, hemi go kasem baondri long lan ya long ist, an long west saet, hemi go kasem Mediterenian Si. Tufala bikfala haf ya bae i blong king, an midol long tufala bikfala haf ya, bae spesol lan wetem Tambuhaos hemi stap long hem. An disfala spesol lan long midol wetem tufala bikfala haf blong king, hemi stap midol long lan blong Jiuda long not, an lan blong Benjamin long saot.”

Pijin Deuterocanon

^21-22 “Long tufala saet long disfala lan long midol, bae tufala bikfala haf hemi stap yet. Wanfala haf blong hem long ist saet, hemi go kasem baondri long lan ya long ist, an long west saet, hemi go kasem Mediterenian Si. Tufala bikfala haf ya bae i blong king, an midol long tufala bikfala haf ya, bae spesol lan wetem Tambuhaos hemi stap long hem. An disfala spesol lan long midol wetem tufala bikfala haf blong king, hemi stap midol long lan blong Jiuda long not, an lan blong Benjamin long saot.”

Esikiel 48:21 ပူးပေါင်းရင်းမြစ်များ

Esikiel 37:24

Bae mi mekem wanfala man long laen blong wakaman blong mi King Deved fo kamap olsem king, an bae hemi lukaftarem olketa gudfala olsem man hemi lukaftarem sipsip blong hem. An bae olketa gohed fo obeim gudfala olketa lo blong mi, an falom gudfala toktok blong mi.

Esikiel 48:10

Disfala spesol ples hemi tambu fo olketa prist. Disfala pisgraon, bae longfala blong hem stat long ist go kasem long west hemi tuel an haf kilomita, an waed blong hem stat long not go kasem long saot, hemi faev kilomita. An Tambuhaos blong mi bae hemi stap insaet long pisgraon ya.

Esikiel 48:20

“So, disfala lan long midol bae hemi skuea, an evri saet long hem bae hemi tuel an haf kilomita. Tufala spesol haf wetem lan blong taon ya, bae hemi olsem tambu ofaring fo givim kam long mi.

Esikiel 48:8

“Disfala lan long saot saet long baondri blong Jiuda, hemi spesolwan. Waed blong hem, bae hemi stat long not an go long saot, hemi tuel an haf kilomita. An longfala blong hem, bae hemi stat long ist an go long west. Hemi semsem nomoa olsem lan wea olketa narafala traeb i garem. An Tambuhaos blong mi bae hemi stap insaet long lan ya.

Hosia 1:11

Long datfala taem, evri pipol blong Jiuda wetem evri pipol blong Israel, bae i joen tugeta moa, an siusim wanfala lida nomoa fo olketa. An pipol blong yumi bae hemi kamap strong moa long lan blong yumi, olsem wea God hemi plantem yumi long gudfala graon. !Ya, datfala de blong Jesreel, bae hemi barava gud tumas!