Esikiel 48:15 - Pijin Bible

¹⁵ “An narafala haf long lan ya wea hemi stap saet long tambu lan ya long saot saet, hemi fo olketa pipol save yusim. Longfala blong hem hemi tuel an haf kilomita an waed blong hem hemi tu an haf kilomita. Olketa pipol save wakem olketa haos long hem, an save yusim fo eria wea hemi garem gras long hem fo olketa animol i kaikaim. An bae taon long Jerusalem hemi stap midol long hem.

Pijin Deuterocanon

¹⁵ “An narafala haf long lan ya wea hemi stap saet long tambu lan ya long saot saet, hemi fo olketa pipol save yusim. Longfala blong hem hemi tuel an haf kilomita an waed blong hem hemi tu an haf kilomita. Olketa pipol save wakem olketa haos long hem, an save yusim fo eria wea hemi garem gras long hem fo olketa animol i kaikaim. An bae taon long Jerusalem hemi stap midol long hem.

Esikiel 48:15 ပူးပေါင်းရင်းမြစ်များ

Esikiel 22:26

Evri prist blong olketa i brekem lo blong mi, an nating tinghae long olketa tambu samting blong mi. Olketa no makem olketa samting wea hemi tambu an olketa samting wea hemi no tambu. Olketa nating tisim nomoa olketa pipol fo luksave long olketa samting wea hemi klin long ae blong mi, an olketa samting wea hemi no klin long ae blong mi. Olketa nating kipim tu Sabat de blong mi fo res, an olketa les fo luksave taem olketa pipol no kipim Sabat de ya blong mi. Dastawe nao olketa nating tinghae long mi.

Esikiel 42:20

Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Esikiel 44:23

Olketa prist ya mas tisim olketa pipol blong mi fo luksave long olketa samting wea hemi tambu, an olketa samting wea hemi no tambu. An fo luksave long olketa samting wea hemi klin long ae blong mi, an olketa samting wea hemi no klin.

Esikiel 45:6

“Kolsap long disfala tambu graon, bae yufala mas mesarem wanfala pisgraon moa, wea longfala blong hem hemi tuel an haf kilomita, an waed blong hem hemi tu an haf kilomita. Disfala pisgraon ya, yufala mas givim long Jerusalem, an bae hemi blong evri pipol blong Israel.”

1 Timoti 3:15

Bat sapos mi no kam kuiktaem, bae yu save ridim disfala leta ya abaotem gudfala wei blong olketa pipol long famili blong God. Hem ya nao sios blong God hu i laef oltaem. An sios ya nao hemi barava holemstrong tru toktok ya, mekem no eniwan save spoelem.