Esikiel 47:18 - Pijin Bible

¹⁸ “An long ist saet, baondri ya bae hemi divaedem lan blong taon long Damaskas an distrik long Haoran. Hemi falom Jodan Riva, wea hemi baondri long lan blong Israel long ist saet, an lan blong Gilead hemi stap narasaet go long riva ya. Baondri ya hemi go kasem taon long Tama long Ded Si. Hem nao baondri long lan ya long ist saet.

Pijin Deuterocanon

¹⁸ “An long ist saet, baondri ya bae hemi divaedem lan blong taon long Damaskas an distrik long Haoran. Hemi falom Jodan Riva, wea hemi baondri long lan blong Israel long ist saet, an lan blong Gilead hemi stap narasaet go long riva ya. Baondri ya hemi go kasem taon long Tama long Ded Si. Hem nao baondri long lan ya long ist saet.

Esikiel 47:18 ပူးပေါင်းရင်းမြစ်များ

Jenesis 13:10

Nao Lot hemi luklukraon, an hemi lukim bikfala vali ya long Jodan Riva, an hemi garem plande gudfala wata, olowe go-go kasem taon ya wea olketa kolem Soa long saot. Hemi lukim dat ples ya hemi olsem gudfala ples ya wea Yawe hemi bin wakem fastaem long Iden, an hemi olsem gudfala graon ya long Ijip tu. Long taem ya, Yawe hemi no bin spoelem yet tufala taon ya long Sodom an Gomora.

Jenesis 13:11

Nao Lot hemi sius fo muv go long saet long ist long vali ya long Jodan Riva, an hemi stap long hem, an hemi goaot long ples wea tufala stap long hem fo go long ples ya nao. Ebram nomoa hemi stap bihaen long Kenan, bat Lot hemi go stap long midol long olketa taon wea i stap raonem Jodan riva, kolsap long taon ya wea olketa kolem Sodom. Hem nao wei wea tufala ya i divaed.

Jenesis 31:23

So hemi tekem olketa man long laen blong hem, an go bihaen long olketa. Bihaen sevenfala de, Laban hemi kasem hem long olketa maonten long Gilead.

Jenesis 31:47

Nao Laban hemi kolem hip ston ya long langguis blong hem “Jegara Sahaduta”, wea i minim “Hip blong olketa ston wea i mak blong yumi”. An Jekob hemi kolem hip ston ya long langguis blong hem “Galeed”, wea i garem sem mining.

Jenesis 37:25

Nao taem olketa gohed fo kaikai, olketa lukim wanfala grup long olketa bisnisman long laen blong Ismael, wea olketa stat kam long Gilead an gohed fo wakabaot go long Ijip. Olketa kamel blong olketa i karim staka kago long olketa samting olsem meresin an olketa narasamting moa wea hemi smel naes tumas.

Stori abaotem Job 40:23

Hemi nating fraet long riva taem hemi ran strong. Nomata taem Jodan riva hemi flad, hemi nating fraetem nomoa taem wata hemi hitim fes blong hem.

Jeremaea 50:19

Bat bae mi tekem kambaek olketa pipol blong mi long stret ples blong olketa nao. Bae olketa i olsem olketa sipsip wea i stap long ples wea hemi garem gudfala gras long hem. Olketa gohed fo kaikaim olketa gras wea hemi grou long maonten long Kaamel, an long olketa hil long Basan. An long olketa hil long tufala distrik long Efrem an Gilead, bae olketa save kaikaim go-go olketa fulap fogud.

Esikiel 47:16

Hemi go kasem tufala taon long Berota an Sibraem, wea i stap long baondri wea hemi divaedem lan blong tufala taon long Damaskas an Hamat. An baondri ya hemi go kasem taon long Hasahatikon, wea hemi stap kolsap long baondri long lan blong distrik long Haoran.

Joel 2:20

Bae mi ronemaot disfala ami blong grashopa wea hemi kamdaon from not, fo go long drae eria long saot. Nao fas haf long olketa bae mi ronemaot go insaet long Ded Si long ist. An las haf bae mi ronemaot go insaet long Mediterenian Si long west. Bae olketa dae an smel fogud. Ya, bae mi spoelem olketa finis, bikos olketa bin mekem bikfala trabol fo yufala.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 34:10

“An long ist, spialaen ya hemi stat long Hasarenan, an hemi go long saot, fo go kasem Sefam,

Jajis 10:8

Olketa ya i barava spoelem pipol blong Israel wea i stap long Gilead long eria blong laen blong Amoa long ist saet go long Jodan Riva fo eitinfala yia.