Esikiel 47:16 - Pijin Bible

¹⁶ Hemi go kasem tufala taon long Berota an Sibraem, wea i stap long baondri wea hemi divaedem lan blong tufala taon long Damaskas an Hamat. An baondri ya hemi go kasem taon long Hasahatikon, wea hemi stap kolsap long baondri long lan blong distrik long Haoran.

Pijin Deuterocanon

¹⁶ Hemi go kasem tufala taon long Berota an Sibraem, wea i stap long baondri wea hemi divaedem lan blong tufala taon long Damaskas an Hamat. An baondri ya hemi go kasem taon long Hasahatikon, wea hemi stap kolsap long baondri long lan blong distrik long Haoran.

Esikiel 47:16 ပူးပေါင်းရင်းမြစ်များ

Jenesis 14:15

Nao long ples ya, Ebram hemi divaedem olketa man blong hem long olketa seksin, an go fo faet wetem olketa enemi ya, an olketa winim enemi blong olketa ya nao. An olketa ronem olketa ya go-go kasem taon wea olketa kolem Hoba, long narasaet go long Damaskas.

2 Samuel 8:8

An from tufala taon long Beta an Berotae, wea tufala i blong King Hadadesa, hemi tekem go plande bras tu.

1 Kings 8:65

So King Solomon wetem staka pipol blong Israel i mekem fist blong Bikde fo Stap long Smolfala Lif Haos, an olketa gohed long fist ya fo sevenfala de. Den olketa gohed fo sevenfala de moa. Long taem ya, staka pipol tumas i kam from olketa ples, stat long Lebo-Hamat long not, go kasem smolfala wata long spialaen long lan blong Ijip long saot.

1 Kronikols 18:5

Taem ami blong Aram long Damaskas i kam fo helpem King Hadadesa, ami blong King Deved hemi kilim dae 22,000 soldia blong olketa.

Aesaea 10:9

Olketa winim finis olketa taon long Kakemis, an Kalno, an Apad, an Hamat, an Damaskas, an Samaria.

Esikiel 27:18

“Olketa blong Damaskas gohed fo mekem bisnis wetem yu, bikos yu garem plande gudfala samting fo salem wetem olketa narafala samting moa wea yu mekem. Olketa gohed fo peim olketa samting ya long waen wea hemi kam from taon long Helbon, an wul wea hemi kam from Saha. Olketa peim tu long bikfala ja long waen from eria long Usal, an gudfala aean fo wakem olketa samting fo dekoretem samting, an olketa insens fo putum long oel mekem hemi smel naes.

Esikiel 47:17

Baondri ya bae hemi gohed, stat long Mediterenian Si long not go-go kasem taon long Hasarenon long ist, an go kasem baondri long lan blong taon long Damaskas an baondri long lan blong taon long Hamat long not. Hem nao olketa baondri long lan ya long not saet.

Esikiel 47:18

“An long ist saet, baondri ya bae hemi divaedem lan blong taon long Damaskas an distrik long Haoran. Hemi falom Jodan Riva, wea hemi baondri long lan blong Israel long ist saet, an lan blong Gilead hemi stap narasaet go long riva ya. Baondri ya hemi go kasem taon long Tama long Ded Si. Hem nao baondri long lan ya long ist saet.

Esikiel 47:20

“An long west saet, Mediterenian Si nao hemi baondri go kasem wanfala ples west long ples wea rod hemi gotru long olketa maonten long Hamat. Hem nao baondri long lan long west saet.

Esikiel 48:1

Yawe hemi gohed fo tok olsem, “Hem ya nao olketa traeb blong Israel, an olketa lan wea bae hemi blong olketa, stat long baondri long lan ya long not saet. Baondri ya long not hemi stat long Mediterenian Si an hemi ran go falom rod long taon long Hetlon, an hemi go kasem ples ya wea rod hemi gotru long olketa maonten long Hamat. Hemi ran go long taon long Hasarenon long ist saet, an hemi falom baondri long lan blong taon long Damaskas, an baondri long lan blong taon long Hamat. Olketa traeb ya evriwan bae i garem lan blong olketa, stat long baondri long lan ya long ist saet go-go kasem Mediterenian Si long west saet. Olketa lan blong olketa wea hemi stat long not an go long saot hemi olsem: Faswan, hemi lan blong traeb blong Dan. An nekswan, hemi lan blong traeb blong Asa. An nekswan, hemi lan blong traeb blong Naftali. An nekswan, hemi lan blong traeb blong Manase. An nekswan, hemi lan blong traeb blong Efrem. An nekswan, hemi lan blong traeb blong Ruben. An nekswan, hemi lan blong traeb blong Jiuda.

Emos 6:14

Hem ya mesij blong Yawe, God hu hemi garem evri paoa, ?!Olketa pipol blong Israel! Bae mi letem ami blong narafala kantri fo tekova long disfala kantri blong yufala. Bae olketa enemi i gohed fo mekem yufala safa, stat long taon long Lebo Hamat long not, go-go kasem vali long Araba long saot.?

Sekaraea 9:2

An lan long Hamat wea baondri blong hem hemi stat long Hadrak, disfala Mesij hemi agensim tu disfala lan wetem tufala taon long Taea an Saedon, nomata olketa pipol blong tufala taon ya i waes tumas.

Nambas 13:21

So tuelfala ya i go nao fo lukluk long datfala lan. Olketa stat long drae eria long Sini long saot, an wakabaot go kasem ples long Rehob, kolsap long eria long Lebo-Hamat wea hemi not long Kenan.

Nambas 34:8

den hemi go falom rod wea hemi gotru long olketa maonten long Hamat, an go kasem Sedad,

Aposol 9:2

an hemi askem hem fo raetem samfala leta fo hemi tekem go wetem hem long olketa preahaos blong olketa Jiu long Damaskas Olketa leta ya olketa givim paoa long Sol ya, an sapos hemi faendem samfala man an samfala woman wea olketa falom disfala wei blong biliv long Masta, bae hemi save kasholem olketa an tekem olketa go moa long Jerusalem.