Esikiel 47:10 - Pijin Bible

¹⁰ Stat long olketa springwata long En-Gedi go kasem olketa springwata long En-Eglaem, bae olketa man fo fising i pulum fis goap long sanbis, an putum olketa net fo drae long sanbis. Long ples ya, hemi garem enikaen fis long hem, olsem insaet long Mediterenian Si.

Pijin Deuterocanon

¹⁰ Stat long olketa springwata long En-Gedi go kasem olketa springwata long En-Eglaem, bae olketa man fo fising i pulum fis goap long sanbis, an putum olketa net fo drae long sanbis. Long ples ya, hemi garem enikaen fis long hem, olsem insaet long Mediterenian Si.

Esikiel 47:10 ပူးပေါင်းရင်းမြစ်များ

Jenesis 14:7

Nao olketa fofala king ya i gobaek long ples ya wea olketa kolem Kades, wea long taem bifoa yet olketa kolem Enmispat. Nao olketa holem olketa graon wea laen blong Amalek i stap long hem bifoa. Bihaen, olketa go moa long wanfala ples wea olketa kolem Hasason-Tama, an faet wetem laen blong Amoa wea i stap long ples ya, an winim olketa tu. Nao olketa kam fo faet wetem faefala king ya.

2 Kronikols 20:2

An samfala man i kam tok olsem long Jehosafat, “Plande soldia from Idom i kam from saet long ist long Ded Si fo faetem yu. Olketa kasem finis taon long Hasason-Tama.” (Hasason-Tama hemi narafala nem blong taon long En-Gedi.)

Sams 104:25

Yu bin mekem dipsi wea hemi garem plande samting i stap insaet. Olketa samting ya i staka tumas wea man no save kaontem nao. Samfala long olketa i bikfala, an samfala long olketa i smolfala.

Aesaea 19:8

Olketa fisingman bae i filnogud an krae, bikos olketa huk an olketa net blong olketa, bae hemi stap nating nao.

Aesaea 49:12

Olketa pipol blong mi ya bae i kam from olketa farawe ples, olsem long not an long west, an from taon long Aswan wea hemi stap barava long saot blong Ijip.”

Aesaea 49:20

Olketa blong yufala hu i bon long aotsaet from kantri blong yufala, bae i tok olsem long yufala, ‘!Kantri ya hemi smol tumas! Mifala nidim bikfala lan moa fo stap long hem.’

Esikiel 26:14

Bae mi letem taon blong yufala kamap olsem wanfala ston nating nomoa fo olketa man fo fising i draem net blong olketa antap long hem. An no eniwan save bildimbaek moa enitaem. Mi Lod Yawe nao mi tok.

Esikiel 26:5

Taon blong yufala hemi stap midol long solwata, an bae hemi kamap nomoa ples wea olketa man fo fising i putum net blong olketa long hem fo drae. Mi Lod Yawe mi tok tru long yufala: Olketa blong evri narafala kantri i winim yufala, an karimaot evrisamting blong yufala fo olketa.

Esikiel 47:15

“Baondri blong disfala lan hemi olsem: Long not saet, baondri ya bae hemi stat long Mediterenian Si go-go kasem taon long Hetlon, an hemi go kasem ples wea rod hemi gotru long olketa maonten long Hamat, an go-go kasem taon long Sedad.

Esikiel 47:19

“Long saot saet, baondri ya bae hemi stat long taon long Tama long saot an hemi gotru long drae eria go-go kasem Meribat-Kades, wea hemi garem wata long hem. Baondri ya hemi ran go long not west, falom smolfala wata long baondri long lan blong Ijip long saot, go-go kasem Mediterenian Si. Hem nao baondri long lan long saot saet.

Esikiel 48:28

“Baondri long lan blong yufala long saot saet, hem tu hemi baondri long lan blong olketa long traeb blong Gad. Bae baondri ya hemi stat long taon long Tama long saot an hemi gotru long drae eria go-go kasem Meribat-Kades, wea hemi garem wata long hem. Baondri ya hemi ran go long not west, falom smolfala wata long baondri long lan blong Ijip, go-go kasem Mediterenian Si.

Nambas 34:6

“An long west, spialaen ya hemi stat long datfala smolfala riva long saot, an hemi falom saet blong Mediterenian Si go long not.

Matiu 4:19

Nao Jisas hemi sei long tufala, “Yutufala kam falom mi. Mi nao bae mi som yutufala hao fo fising fo kasem pipol.”

Gudnius abaotem Jisas Kraes wea Mak hemi raetem 1:17

An Jisas hemi sei long tufala olsem, “Yutufala kam falom mi. Mi bae mi som yutufala hao fo fising fo kasem pipol.”

Josua 15:62

an Nibsan, an Iramelak, an En-Gedi. Hem nao siksfala taon wea i stap long datfala eria wetem evri vilij wea i stap raon long olketa.

Josua 23:4

An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

1 Samuel 23:29

Bihaen, Deved hemi goaot from datfala ples, fo staphaed long smolfala vali blong springwata long En-Gedi.

1 Samuel 24:1

Taem Sol hemi faetem ami blong Filistia finis, an hemi kambaek, samfala pipol i kam talem hem dat Deved hemi stap long drae eria kolsap long En-Gedi.