Esikiel 45:8 - Pijin Bible

⁸ Tufala pisgraon ya nao, bae i blong king, mekem olketa king wea i kamaot bihaen no spoelem olketa pipol blong mi, bat bae olketa letem olketa pipol ya fo onam lan wea hemi blong olketa laen blong Israel.”

Pijin Deuterocanon

⁸ Tufala pisgraon ya nao, bae i blong king, mekem olketa king wea i kamaot bihaen no spoelem olketa pipol blong mi, bat bae olketa letem olketa pipol ya fo onam lan wea hemi blong olketa laen blong Israel.”

Esikiel 45:8 ပူးပေါင်းရင်းမြစ်များ

Provebs 28:16

Bikman hu hemi no garem save, hemi mekful long pipol. Bat bikman hu hemi les fo ravem eniwan, hemi garem longfala laef.

Jeremaea 22:17

“!Bat yu! Yu gohed nomoa fo traehad fo winim olketa samting long wei wea hemi no stret. Oltaem nomoa yu gohed fo kilim dae olketa hu i no duim nomoa eni rong samting, an fo mekful long olketa pipol, an fo ravem olketa nogud.”

Jeremaea 23:5

Yawe hemi gohed fo tok olsem, “Mi talem stret long yu nao. Taem bae hemi kam, wea mi mekem Brans fo kamap long laen blong King Deved. Bae hemi wanfala king hu hemi waes, an bae hemi rul ovarem lan ya long wei wea hemi stret fogud.

Esikiel 19:3

Hemi lukaftarem wanfala pikinini blong hem, go-go hemi kamap wanfala strong laeon. Hemi tisim hem fo kasholem an pisisim kaikai blong hem, an hemi kamap wanfala bikfala laeon wea hemi save kaikaim man.

Esikiel 19:7

Hemi slip wetem olketa mere laeon, an hemi kamap nambawan. Hemi spoelem evri taon blong olketa. Taem hemi singaot bikfala, evriwan long kantri ya i barava fraet fogud.

Esikiel 22:27

Evri bikman blong olketa i olsem olketa wael dog wea i kilim dae animol an pisisim fo kaikaim. Olketa gohed fo kilim man dae mekem olketa save kamap risman.

Esikiel 22:6

“Olketa lida blong yufala i gohed fo yusim paoa blong olketa nomoa fo kilim dae olketa pipol.

Esikiel 46:18

King mas no tekem eni lan wea hemi blong olketa pipol. Hemi save givim nomoa lan blong hem seleva fo olketa pikinini blong hem. Mi laekem olketa pipol blong mi fo save kipim lan blong olketa fo evritaem olowe.”

Sefenaea 3:13

Olketa blong Israel wea i laef yet, bae olketa no save mekem eni nogud samting. An bae olketa no save laea, an no save talem eni toktok wea i no tru. An bae olketa save kaikai gudfala, an save stap kuaet, an no eniwan nao bae mekem olketa fraet.?

Jemes 2:6

Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?

Josua 11:23

Josua wetem ami blong hem i tekova long evri lan long olketa eria ya, olsem wea Yawe bin talem bifoa long Mosis. An bihaen, Josua hemi divaedem evri lan ya long tuelfala traeb blong Israel. An bihaen, olketa stap kuaet moa an garem piis.

Josua 19:49

So long datfala taem, Haeprist Eliesa an Josua wetem evri lida long olketa laen blong olketa traeb blong Israel i kam tugeta long doa blong Tambu Haostent blong Yawe long Saelo. An taem olketa stap frant long Yawe, olketa bin divaedem olketa lan go long olketa pipol blong Israel. Olketa rolem olketa spesol ston fo somaot olketa hu nao bae i onam olketa pis lan ya. An long wei nao olketa divaedem finis olketa lan ya. Taem olketa divaedem finis olketa lan fo olketa traeb blong olketa, olketa givim wanfala pis lan go long Josua fo hemi onam. Bifoa, Yawe hemi bin talem dat sapos Josua hemi askem wanfala taon, bae olketa mas givim datfala taon long hem. Josua hemi askem taon long Timnat-Sera long olketa hil long Efrem. So olketa givim long hem nao an hemi go stap long hem an mekem taon ya kamap gudfala.