Esikiel 45:10 - Pijin Bible

^10-12 “Yufala mas yusim olketa stret mak an olketa skel wea hemi stret, an no laea long olketa pipol. Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud. Yufala mas yusim mak fo skelem o fo mesarem wea evriwan long yufala agri dat hemi stretwan.”

Pijin Deuterocanon

^10-12 “Yufala mas yusim olketa stret mak an olketa skel wea hemi stret, an no laea long olketa pipol. Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud. Yufala mas yusim mak fo skelem o fo mesarem wea evriwan long yufala agri dat hemi stretwan.”

Esikiel 45:10 ပူးပေါင်းရင်းမြစ်များ

Provebs 11:1

Yawe les long raverave skel, stretfala skel, hemi hapi long hem.

Provebs 16:11

Evri stretfala skel i blong Yawe, bikos hem nao mekem stretfala wei fo skelem evrisamting.

Provebs 20:10

Yawe les long raverave skel. Kaen nogud skel olsem, hemi heitem.

Provebs 21:3

Man duim wanem hemi stret an gud, hemi moabeta long Yawe winim man mekem sakrifaes.

Aesaea 5:10

Nomata tenfala eka long grep tri blong yufala, bat bae yufala kasem nomoa tuenti lita waen. An nomata tenfala baeg sid blong wit wea yufala plantem, bat bae yufala tekem nomoa wanfala baeg wit long hem.”

Diutronomi 25:13

“Yufala mas no yusim tufala deferen samting fo skelem olketa kaikai yufala salem mekem yufala ravem eniwan.

Diutronomi 25:15

“Taem yufala skelem hevi blong samting, o yufala skelem haomas lita blong samting, yufala mas yusim olketa samting fo mekem hemi stret fogud. Sapos yufala duim olsem, bae yufala save stap longtaem long lan wea Yawe hemi givim long yufala.