Esikiel 44:24 - Pijin Bible

²⁴ “An sapos olketa pipol i raoa, olketa prist mas falom lo blong mi fo stretem olketa raoa ya. Olketa mas kipim olketa fist blong mi, olsem wea olketa lo an olketa rul blong mi i talem, an mas kipim Sabat de holi.

Pijin Deuterocanon

²⁴ “An sapos olketa pipol i raoa, olketa prist mas falom lo blong mi fo stretem olketa raoa ya. Olketa mas kipim olketa fist blong mi, olsem wea olketa lo an olketa rul blong mi i talem, an mas kipim Sabat de holi.

Esikiel 44:24 ပူးပေါင်းရင်းမြစ်များ

1 Kronikols 23:4

Hemi divaedem olketa fo duim olketa deferen waka. Hemi tok olsem, “24,000 man mas lukaftarem olketa waka long Tambuhaos blong Yawe. An 6,000 man mas kipim olketa rekod, an stretem olketa raoa.

Esra 2:63

An gavna blong provins tu hemi stopem olketa fo no kaikaim olketa tambu kaikai long Tambuhaos, go-go kasem taem wea wanfala prist hu hemi save yusim Urim an Tumim, hemi save faendemaot tingting blong God abaotem olketa.

Sams 119:34

Plis yu helpem mi fo minim gudfala olketa tising blong yu, nao bae mi falom olketa tising ya long ful laef blong mi.

Esikiel 20:12

Ya, mi givim tu olketa Sabat de blong mi fo olketa res long hem, mekem olketa save falom, fo somaot dat mi bin mekem agrimen wetem olketa. An mekem olketa save tu dat mi Yawe nao mi mekem olketa fo kamap holi.

Esikiel 20:20

Yufala mas gohed fo kipim olketa Sabat de, an barava mektambu long hem, fo makem agrimen wea mi mekem wetem yufala. Sapos olsem, bae yufala savegud dat mi nao Yawe God blong yufala.’

Esikiel 22:26

Evri prist blong olketa i brekem lo blong mi, an nating tinghae long olketa tambu samting blong mi. Olketa no makem olketa samting wea hemi tambu an olketa samting wea hemi no tambu. Olketa nating tisim nomoa olketa pipol fo luksave long olketa samting wea hemi klin long ae blong mi, an olketa samting wea hemi no klin long ae blong mi. Olketa nating kipim tu Sabat de blong mi fo res, an olketa les fo luksave taem olketa pipol no kipim Sabat de ya blong mi. Dastawe nao olketa nating tinghae long mi.

Esikiel 46:9

“Long taem blong fist, taem olketa pipol blong lan i kam insaet long bikfala open eria fo wosipim mi, olketa hu i kam insaet long geit long not saet, bae i mas goaot long geit ya long saot saet. An olketa hu i kam insaet long geit ya long saot saet, bae i mas goaot long geit ya long not saet. Bae no eniwan save goaot long sem geit wea hemi kam insaet long hem.

Diutronomi 19:17

Sapos olsem, tufala mas go long tambuples blong Yawe. Long dea tufala mas kam long olketa prist an olketa jaj hu i waka long datfala taem.

Diutronomi 21:5

An olketa prist long traeb blong Livae i mas go long ples ya tu. Yawe, God blong yufala, hemi bin siusimaot olketa prist fo duim waka blong hem, an fo talemaot olketa blesing long nem blong hem, an fo jajem olketa trabol long olketa raoa an faet.

1 Timoti 3:15

Bat sapos mi no kam kuiktaem, bae yu save ridim disfala leta ya abaotem gudfala wei blong olketa pipol long famili blong God. Hem ya nao sios blong God hu i laef oltaem. An sios ya nao hemi barava holemstrong tru toktok ya, mekem no eniwan save spoelem.