Esikiel 44:17 - Pijin Bible

¹⁷ “Taem olketa prist kam insaet long geit blong smolfala open eria raonem Tambuhaos o insaet long Tambuhaos ya, olketa mas werem spesol kaleko wea olketa wakem long nambawan waet kaleko, an no werem kaleko wea olketa wakem long wul.

Pijin Deuterocanon

¹⁷ “Taem olketa prist kam insaet long geit blong smolfala open eria raonem Tambuhaos o insaet long Tambuhaos ya, olketa mas werem spesol kaleko wea olketa wakem long nambawan waet kaleko, an no werem kaleko wea olketa wakem long wul.

Esikiel 44:17 ပူးပေါင်းရင်းမြစ်များ

Eksodas 28:42

“An yu mas yusim nambawan waet kaleko fo somap olketa sot trasis fo olketa, mekem olketa werem fo kavarem olketa seleva gudfala. Olketa trasis ya mas kavarem olketa stat long bele godaon kasem antap long ni.

Eksodas 28:43

Eron wetem olketa san blong hem mas werem olketa trasis ya taem olketa kam insaet long Tambu Haostent fo Mitim God, an long taem olketa kam fo duim waka long olta insaet long Tambu Rum. Olketa mas duim olsem, nogud olketa dae. Eron wetem olketa san blong hem, an olketa hu bae i bon kam bihaen long olketa, mas falom disfala rul olowe nao.”

Esikiel 44:27

Bihaen mekseven de, taem hemi go moa insaet long smolfala open eria ya fo waka insaet long Tambuhaos ya, hemi mas ofarem kam sakrifaes fo mekem hem stret moa long ae blong mi. Hem nao mesij blong mi Lod Yawe.

Levitikas 16:4

Hemi mas suim gudfala fastaem, an hemi mas putum olketa spesol kaleko blong hem wea olketa wakem long nambawan kaleko. Hem nao spesol longfala kaleko blong hem, an sot trasis blong hem, an spesol strap blong hem, an spesol hat blong hem.

Revelesin 19:8

Gele ya, God hemi givim hem finis nambawan waet kaleko fo werem, wea hemi klin an saen fogud.” (Nambawan kaleko ya, hemi piksa blong olketa stretfala wei blong olketa pipol blong God.)

Revelesin 4:4

An raonem tron ya tu, tuenti-foa nara tron hemi stap. Nao long olketa tron ya mi lukim tuenti-foa bikman nao sidaon long olketa. An olketa werem olketa waet kaleko an olketa werem gol kraon.