Esikiel 44:1 - Pijin Bible

¹ Man ya hemi tekem mi go moa long disfala geit long ist saet blong bikfala open eria aotsaet long Tambuhaos ya, bat geit ya hemi sat nomoa.

Pijin Deuterocanon

¹ Man ya hemi tekem mi go moa long disfala geit long ist saet blong bikfala open eria aotsaet long Tambuhaos ya, bat geit ya hemi sat nomoa.

Esikiel 44:1 ပူးပေါင်းရင်းမြစ်များ

1 Kronikols 9:18

Olketa ya i bin gadem geit long saet long ist long Tambuhaos, wea olketa kolem hem “Geit blong King”. Bifoa kam olketa olfala grani blong olketa ya i bin gadem ples blong olketa Livaet kolsap long Tambu Haostent.

2 Kronikols 20:5

Taem evriwan blong Jiuda an blong Jerusalem i kam tugeta long niufala open eria aotsaet long frant long Tambuhaos blong Yawe, King Jehosafat hemi stanap fo prea.

2 Kronikols 4:9

An olketa wakem wanfala open eria wea i garem wolston aotsaet long Tambuhaos. Open eria ya hemi fo olketa prist nomoa. An olketa wakem wanfala wolston raonem bikfala open eria aotsaet long Tambuhaos. Olketa geit fo go long tufala open eria ya, olketa kavarem long bras.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 40:6

Bihaen, hemi go long geit wea hemi fesim go long ist. Hemi goap long olketa step an hemi mesarem tik blong wol long saet blong geit ya wea hemi tri mita, stat long aotsaet go-go kasem insaet.

Esikiel 42:14

Taem olketa prist i finisim waka blong Yawe insaet long Tambuhaos blong hem, olketa mas aotem evri tambu kaleko insaet long olketa rum ya, an werem olketa narafala kaleko, bifoa olketa save go aotsaet fo ples wea olketa pipol i hipap long hem. Olketa tambu kaleko ya mas stap nomoa insaet long tambu ples.”

Esikiel 43:1

Den man ya hemi tekem mi go long geit blong Tambuhaos, wea hemi fes go long ist saet.

Esikiel 43:4

Nao saen long bikfala paoa blong Yawe, hemi go insaet long Tambuhaos blong Yawe, insaet long geit long ist saet.

Esikiel 46:1

Lod Yawe hemi tok moa olsem, “Mi Lod Yawe nao mi tok olsem: Long olketa siksfala de ya fo waka, disfala geit long ist saet blong smolfala open eria kolsap long Tambuhaos blong mi, hemi mas sat. Bae yufala openem nomoa long Sabat de an long Fist blong Niumun.

Esikiel 46:12

“Taem king hemi tekem kam sakrifaes wea hemi mekem falom wanem hemi laekem, nomata hemi sakrifaes wea hemi barava bone o sakrifaes fo somaot dat hemi frengud wetem mi, bae geit ya long ist saet hemi mas open, mekem hemi kam insaet long hem. An bae hemi mas mekem olketa sakrifaes blong hem ya, long sem wei wea hemi save duim long Sabat de. An taem hemi go aotsaet, bae yufala satem moa geit ya.”