Esikiel 43:26 - Pijin Bible

²⁶ Long sevenfala de ya, olketa prist mas duim semsamting fo mekem olta ya hemi kamap klin long ae blong mi, mekem hemi redi fo olketa yusim.

Pijin Deuterocanon

²⁶ Long sevenfala de ya, olketa prist mas duim semsamting fo mekem olta ya hemi kamap klin long ae blong mi, mekem hemi redi fo olketa yusim.

Esikiel 43:26 ပူးပေါင်းရင်းမြစ်များ

Eksodas 29:24

Yu mas tekem trifala bred ya wetem olketa mit ya, an putum go long han blong Eron an olketa pikinini blong hem, an yu talem olketa fo liftimap kam frant long mi fo wanfala spesol ofaring.

Eksodas 32:29

Nao Mosis hemi tok olsem long olketa, “Tude, yufala mektambu long yufala seleva nao fo duim waka fo Yawe, bikos yufala agensim olketa hu i bin duim disfala ravis samting, nomata olketa san an olketa brata blong yufala. Hem nao Yawe hemi blesim yufala tude.”

Esikiel 43:20

Yu mas tekem samfala blad blong hem, an rabem long fofala hon ya long olketa kona long olta ya, an rabem tu disfala blad antap long olketa kona long daon blong olta ya, an rabem tu long smolfala wol wea hemi raonem olta ya. Long disfala wei nao, bae yu mekem olta ya fo kamap klin long ae blong mi.

Esikiel 43:22

“Long neks de, yu mas ofarem kam wanfala man nanigot wea hemi nating garem enisamting rong long bodi blong hem, olsem sakrifaes fo mekem man stret moa long ae blong mi. An yu mas putum blad blong hem long olta ya fo mekem hemi kamap klin long ae blong mi, olsem wea yu bin duim long man buluka ya.

Esikiel 43:25

“Evri de fo sevenfala de, yu mas ofarem kam wanfala man nanigot olsem sakrifaes fo mekem man stret moa long ae blong mi. An long evri de fo sevenfala de, yu mas ofarem kam tu wanfala man buluka an wanfala yang man sipsip, wea tufala evriwan i nating garem enisamting rong long bodi blong tufala.

Esikiel 43:27

Bihaen long sevenfala de ya, olketa prist mas bonem long olta ya olketa sakrifaes wea hemi barava bone, an olketa sakrifaes fo somaot dat hemi stapgud wetem mi. Olsem nao bae mi hapi fogud long yufala evriwan. Hem nao mesij blong mi Lod Yawe.”

Esikiel 45:18

Lod Yawe hemi tok moa olsem, “Mi Lod Yawe nao mi tok olsem: Long fas de blong fas mans long evri yia, bae yufala mas tekem wanfala yang man buluka wea hemi no garem enisamting rong long bodi blong hem, an sakrifaesim kam long mi, fo mekem Tambuhaos blong mi hemi klin long ae blong mi.

Levitikas 8:33

Bae yufala mas stap long disfala ples go kasem sevenfala de, fo finisim olketa samting wea i mektambu long yufala.

Levitikas 8:34

Olketa samting wea yumi duim tude, Yawe nomoa hemi talem fo yumi duim fo tekemaot olketa sin blong yufala.