Esikiel 43:2 - Pijin Bible

² Long ples ya, mi lukim saen long bikfala paoa blong God blong Israel hemi kamaot long ist. Voes blong hem hemi here olsem noes blong bikfala wev wea hemi brek long rif, an lan ya hemi saen fogud long laet blong bikfala paoa blong hem.

Pijin Deuterocanon

² Long ples ya, mi lukim saen long bikfala paoa blong God blong Israel hemi kamaot long ist. Voes blong hem hemi here olsem noes blong bikfala wev wea hemi brek long rif, an lan ya hemi saen fogud long laet blong bikfala paoa blong hem.

Esikiel 43:2 ပူးပေါင်းရင်းမြစ်များ

Aesaea 17:12

(Profet) !Maekrangge! Olketa pipol blong olketa narafala kantri i olsem olketa bikfala wev wea hemi brek antap long rif long taem blong saekloun.

Aesaea 6:3

Olketa gohed fo singsing bikfala tugeta olsem, “!Yawe hu hemi garem evri paoa, hemi barava holi tumas! Bikfala paoa blong hem hemi saen long evri ples long wol.”

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 1:28

Disfala laet wea hemi saen bikfala raonem hem hemi barava luknaes tumas olsem olketa kala blong renbo. Bikfala laet ya hemi saen long bikfala paoa blong Yawe. Taem mi lukim nomoa disfala samting, mi leidaon long daon nao wetem fes blong mi long graon, nao mi herem wanfala voes hemi tok kam long mi.

Esikiel 10:4

Den saen long bikfala paoa blong Yawe, hemi muv goap from olketa enjel ya, an hemi muv go nao long doa blong Tambuhaos ya. Klaod ya hemi fulumap Tambuhaos nao, an bikfala paoa blong Yawe hemi saen bikfala fogud insaet long eria ya.

Esikiel 11:22

Long disfala spesol drim, mi lukim dat olketa enjel i stretem wing an flae, an olketa wil wea i stap kolsap long olketa i goap wetem, an saen long bikfala paoa blong God blong Israel, hemi stap antap long olketa.

Esikiel 11:23

An saen long bikfala paoa blong Yawe, hemi lusim taon ya, an hemi go stap antap long bikfala hil ya long saet long ist.

Esikiel 3:23

So mi stanap an go nao long bikfala flat ples ya. An mi lukim laet long bikfala paoa blong Yawe hemi saen fogud. Laet ya hemi olsem tu datfala bikfala laet wea mi bin lukim bifoa saet blong Keba Riva, an mi leidaon wetem fes blong mi long graon.

Esikiel 43:4

Nao saen long bikfala paoa blong Yawe, hemi go insaet long Tambuhaos blong Yawe, insaet long geit long ist saet.

Esikiel 44:2

Yawe hemi tok olsem long mi, “Disfala geit bae hemi mas gohed fo sat nomoa olsem. Bae no eniwan hemi gotru moa long disfala geit, bikos mi Yawe, hu mi God blong yufala blong Israel, mi bin gotru long hem finis. Bae hemi gohed fo sat olsem olowe nao.

Esikiel 9:3

Nao saen long bikfala paoa blong God blong Israel, hemi muv goap from olketa enjel ya, an hemi muv go nao long doa blong Tambuhaos ya. An Yawe hemi kol aot go long disfala man hu hemi werem barava nambawan kaleko an hemi holem olketa samting fo raet.

Habakuk 2:14

An bae disfala wol hemi fulap long pipol hu i barava luksave long bikfala paoa blong Yawe, olsem si hemi fulap long solwata.

Habakuk 3:3

Holi God hemi kam from Idom, an from olketa hil long Paran. Saen long bikfala paoa blong hem hemi kavarem skae. An evri pipol long disfala wol i gohed fo mekhae long hem.

Habakuk 3:4

Taem hemi kam, hemi gohed fo saen olsem san. Laetning hemi flas kam from han blong hem, fo somaot dat hemi garem evri paoa.

Gudnius abaotem Jisas Kraes wea Jon hemi raetem 12:41

Aesaea hemi talem olketa samting ya bikos hemi lukim finis saen blong bikfala paoa blong Jisas nao.

Revelesin 1:15

An lek blong hem hemi saen olsem bras wea olketa klinim an hemi saen fogud, an voes blong hem hemi meknoes tumas olsem olketa bikfala wev.

Revelesin 14:2

An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim.

Revelesin 18:1

Bihaen long olketa samting ya, mi lukim moa narafala enjel wea hemi kamdaon from heven. Hemi garem bikfala paoa, an saen blong bikfala paoa blong hem hemi saen raonem hem, go kasem evri ples long wol.

Revelesin 19:1

Nao bihaen long olketa samting ya, mi herem bikfala noes blong plande pipol tumas long heven hu i singaot bikfala olsem, “!Haleluya! God blong yumi hu hemi sevem yumi, nem blong hem hemi haeap tumas, an hemi garem bikfala paoa.

Revelesin 19:6

Nao mi herem moa noes blong plande pipol tumas wea olketa singaot bikfala. Hemi meknoes tumas olsem bikfala wev an bikfala tanda. Olketa sei olsem, “!Haleluya! God Masta blong yumi hu hemi garem evri paoa, hem nomoa hemi King.

Revelesin 21:11

An saen blong bikfala paoa blong God hemi saen kam long biktaon ya. Hemi barava saen fogud olsem naesfala ston jaspa wea hemi klia fogud olsem glas.

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.