Esikiel 43:15 - Pijin Bible

¹⁵ an hae blong hem hemi tu mita. Disfala haf long antap hemi ples fo bonem sakrifaes long hem. An hemi garem fofala samting olsem hon blong buluka long fofala kona blong hem antap wea i long disfala olta nomoa.

Pijin Deuterocanon

¹⁵ an hae blong hem hemi tu mita. Disfala haf long antap hemi ples fo bonem sakrifaes long hem. An hemi garem fofala samting olsem hon blong buluka long fofala kona blong hem antap wea i long disfala olta nomoa.

Esikiel 43:15 ပူးပေါင်းရင်းမြစ်များ

1 Kings 1:50

An Adonaeja hemi barava fraet tumas long King Solomon, so hemi go long Tambu Haostent, an holem hon blong olta.

1 Kings 2:28

Taem Joab hemi herem nius ya, hemi barava fraet tumas bikos hemi save olsem nomata hem nating saet wetem Absalom bifoa, bat hemi bin saet wetem Adonaeja. So hemi ranawe go long Tambu Haostent, an hemi go fo holem hon blong olta, mekem olketa no kilim hem dae.

Sams 118:27

Yawe nao hemi God, an hemi bin gud tumas long yumi. An long disfala bikde yufala holem olketa brans an maas goraon long olta.

Eksodas 27:1

Yawe hemi gohed fo tok olsem long Mosis, “Bae yu mas wakem wanfala olta long timba blong akesia tri. Olta ya hemi mas skuea, wea longfala an waed blong hem mas kasem 225 sentemita, an hae blong hem mas kasem 135 sentemita.

Eksodas 27:2

An yu mas wakem fofala samting olsem hon blong buluka wea i stanap long olketa fofala kona blong olta ya, an olketa ya i barava pat long disfala olta nao. An yu mas kavarem olta ya long bras.

Aesaea 29:7

An fo evri narafala kantri wea i faet agensim yufala insaet long strongfala sefples ya long Jerusalem bae hemi olsem nomoa wanfala drim. Ya, fo evri narafala kantri ya bae hemi olsem nomoa drim wea man hemi lukim long naet bat hemi lus nomoa.

Esikiel 43:20

Yu mas tekem samfala blad blong hem, an rabem long fofala hon ya long olketa kona long olta ya, an rabem tu disfala blad antap long olketa kona long daon blong olta ya, an rabem tu long smolfala wol wea hemi raonem olta ya. Long disfala wei nao, bae yu mekem olta ya fo kamap klin long ae blong mi.

Levitikas 9:9

An olketa san blong hem i tekem blad blong buluka ya, an givim long hem, den hemi putum fingga blong hem long blad ya fo putum long olketa fofala hon blong olta, an hemi kapsaetem narafala haf long blad go long botom blong olta.