Esikiel 43:13 - Pijin Bible

¹³ Yawe hemi tok olsem, “Olketa mak long olta fo bonem sakrifaes hemi olsem. Rula fo mesarem olta ya hemi semsem nomoa olsem disfala rula wea olketa yusim fo mesarem Tambuhaos blong mi. Dren wea hemi goraonem botom blong olta ya, dip blong hem hemi fifti sentemita, an waed blong hem hemi fifti sentemita. An smolfala wol blong dren ya raonem aotsaet blong hem, hae blong hem hemi tuenti-faev sentemita.

Pijin Deuterocanon

¹³ Yawe hemi tok olsem, “Olketa mak long olta fo bonem sakrifaes hemi olsem. Rula fo mesarem olta ya hemi semsem nomoa olsem disfala rula wea olketa yusim fo mesarem Tambuhaos blong mi. Dren wea hemi goraonem botom blong olta ya, dip blong hem hemi fifti sentemita, an waed blong hem hemi fifti sentemita. An smolfala wol blong dren ya raonem aotsaet blong hem, hae blong hem hemi tuenti-faev sentemita.

Esikiel 43:13 ပူးပေါင်းရင်းမြစ်များ

2 Kronikols 4:1

Olketa wakem wanfala skuea olta long bras. Longfala blong olketa fofala saet blong olta ya, hemi naen mita. An hae blong hem hemi foa an haf mita.

Eksodas 25:25

Long antap blong tebol ya, yu mas wakem wanfala reil fo hemi goraonem hem, an hae blong reil ya mas kasem 75 milimita. An yu mas wakem narafala smol strap moa long gol fo goraonem disfala smolfala reil fo dekoretem.

Esikiel 40:5

Taem mi luk go, mi lukim wanfala wolston wea hemi barava raonem open eria blong Tambuhaos ya. Disfala rula wea man ya hemi holem, longfala blong hem hemi kasem tri mita. An man ya hemi mesarem disfala wolston, an hae blong hem hemi kasem tri mita, an tik blong hem hemi kasem tri mita.

Esikiel 41:8

Mi luk godaon, an mi lukim dat faondesin blong Tambuhaos ya an olketa rum aotsaet hemi stanap tri mita hae winim olketa graon raonem Tambuhaos.