Esikiel 42:20 - Pijin Bible

²⁰ Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Pijin Deuterocanon

²⁰ Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Esikiel 42:20 ပူးပေါင်းရင်းမြစ်များ

Nambawan Singsing 2:9

Daling blong mi ya hemi luknaes tumas olsem wanfala gasele, an hemi save ran kuiktaem tumas olsem wanfala yangfala dia. !Lukim! Hemi gohed fo stanap saet long wol aotsaet long haos, an hemi gohed fo luktru kam long windo, an long olketa hol long woling blong haos ya,

Aesaea 25:1

Yawe. Yu nao yu God blong mi. Bae mi preisim yu, an liftimap nem blong yu. Yu gohed fo duim olketa bikfala samting, wea pipol i sapraes tumas long hem. Fo longtaem nao yu bin planem fo duim olketa samting ya, bikos yu nao yu kipim promis blong yu olowe.

Aesaea 26:1

(Profet) Long taem ya, yumi evriwan long Jiuda bae i singim disfala singsing wea hemi olsem: !Yumi garem strongfala taon! An wei wea God hemi sevem yumi, hemi olsem wanfala bikfala wolston wea hemi raonem yumi fo gadem yumi.

Aesaea 60:18

Bae yufala no save herem moa noes blong faet insaet long kantri blong yufala. An olketa enemi i no save kam moa fo spoelem ples blong yufala. Bae mi lukaftarem yufala an gadem yufala, olsem wanfala bikfala wolston wea hemi stap raonem yufala. An long taem ya, bae yufala preisim mi, bikos mi bin sevem yufala.

Esikiel 22:26

Evri prist blong olketa i brekem lo blong mi, an nating tinghae long olketa tambu samting blong mi. Olketa no makem olketa samting wea hemi tambu an olketa samting wea hemi no tambu. Olketa nating tisim nomoa olketa pipol fo luksave long olketa samting wea hemi klin long ae blong mi, an olketa samting wea hemi no klin long ae blong mi. Olketa nating kipim tu Sabat de blong mi fo res, an olketa les fo luksave taem olketa pipol no kipim Sabat de ya blong mi. Dastawe nao olketa nating tinghae long mi.

Esikiel 40:5

Taem mi luk go, mi lukim wanfala wolston wea hemi barava raonem open eria blong Tambuhaos ya. Disfala rula wea man ya hemi holem, longfala blong hem hemi kasem tri mita. An man ya hemi mesarem disfala wolston, an hae blong hem hemi kasem tri mita, an tik blong hem hemi kasem tri mita.

Esikiel 43:12

Hem ya nao lo long Tambuhaos blong mi: Olketa ples antap long disfala maonten wea haos blong mi hemi stap long hem hemi barava tambu tumas.”

Esikiel 44:23

Olketa prist ya mas tisim olketa pipol blong mi fo luksave long olketa samting wea hemi tambu, an olketa samting wea hemi no tambu. An fo luksave long olketa samting wea hemi klin long ae blong mi, an olketa samting wea hemi no klin.

Esikiel 45:2

Insaet long disfala graon, yufala mas mesarem wanfala pis wea hemi skuea, fo Tambuhaos blong mi, wea longfala blong evri saet blong hem mas 250 mita. An wanfala open eria mas goraonem, wea waed blong hem hemi tuenti-faev mita.

Esikiel 48:15

“An narafala haf long lan ya wea hemi stap saet long tambu lan ya long saot saet, hemi fo olketa pipol save yusim. Longfala blong hem hemi tuel an haf kilomita an waed blong hem hemi tu an haf kilomita. Olketa pipol save wakem olketa haos long hem, an save yusim fo eria wea hemi garem gras long hem fo olketa animol i kaikaim. An bae taon long Jerusalem hemi stap midol long hem.

Esikiel 48:20

“So, disfala lan long midol bae hemi skuea, an evri saet long hem bae hemi tuel an haf kilomita. Tufala spesol haf wetem lan blong taon ya, bae hemi olsem tambu ofaring fo givim kam long mi.

Levitikas 10:10

Yufala mas waes gud fo makem olketa samting wea hemi tambu an olketa samting wea hemi no tambu, an fo makem olketa samting wea hemi klin long ae blong mi an olketa samting wea hemi no klin long ae blong mi.

Maeka 7:11

Olketa pipol blong Jerusalem. Hemi kolsap kasem taem nao fo bildimbaek moa bikfala wolston blong disfala taon. Long datfala taem, bae lan blong yufala hemi bikfala moa.

Sekaraea 2:5

Mi seleva nao bae mi wolston fo gadem taon ya olsem faea wea hemi laet raonem. An bikfala paoa blong mi bae hemi saenaot insaet long taon ya.??

Gudnius abaotem Jisas Kraes wea Luk hemi raetem 16:26

An narasamting moa, wanfala bikfala hol tumas nao hemi stap long midol long yumi, so hemi had tumas fo eniwan long saet long mifala fo go kasem saet long yufala. An hemi had tumas tu fo eniwan long saet long yufala fo katkros kam long saet long mifala.’

2 Korin 6:17

Dastawe Masta hemi sei olsem, “Yufala mas lusim olketa nara pipol, an yufala mas no stap kolsap long olketa. Yufala mas no tasim enisamting wea hemi no klin. Sapos yufala falom diswan, bae mi hapi long yufala.