Esikiel 41:24 - Pijin Bible

²⁴ Tufala doa ya evriwan i garem tufala pat long hem wea wanfala hemi open go long insaet long rum, an narawan hemi open go long aotsaet long rum.

Pijin Deuterocanon

²⁴ Tufala doa ya evriwan i garem tufala pat long hem wea wanfala hemi open go long insaet long rum, an narawan hemi open go long aotsaet long rum.

Esikiel 41:24 ပူးပေါင်းရင်းမြစ်များ

1 Kings 6:23

An hemi garem tufala kaving long enjel wea olketa wakem long timba blong oliv tri. Tol blong tufala kaving ya i kasem foa an haf mita. Tufala enjel ya, olketa putum insaet long Barava Tambu Rum. Tufala i semsem nomoa, an tufala garem wing. Long blong wanfala wing hemi winim tu mita. So stat long en blong wing long wanfala saet go kasem en blong wing long narasaet hemi kasem foa an haf mita.

1 Kings 6:34

An olketa wakem tufala doa blong hem long timba blong paen tri. Tufala doa evriwan i garem tufala haf wea olketa save foldem.

2 Kronikols 4:22

An olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa gol wea i kavarem tufala doa blong Barava Tambu Rum, an tufala doa blong bikfala rum blong Tambuhaos.

Esikiel 40:48

Den hemi tekem mi go insaet long varanda long frant blong Tambuhaos. Wanfala lada hemi kamap fo geit blong haos ya, an tufala bikfala pos nao hemi stanap kolsap long disfala geit. Wanfala pos hemi stanap long wansaet, an narawan hemi stanap long narasaet. Man ya hemi mesarem geit, an waed blong hem hemi seven mita, an tik blong wol ya blong hem hemi tu an haf mita. An hemi mesarem tufala wol long saet blong geit ya wea long an tik blong tufala ya hemi wan an haf mita. Hemi mesarem tu varanda insaet, an longfala blong hem hemi ten mita, an waed blong hem hemi siks mita.

Diutronomi 20:19

“Taem yufala gohed fo stap raonem taon fo faetem hem, an yufala katemdaon olketa tri fo yusim fo brekemdaon bikfala wolston blong taon ya, yufala mas no katemdaon olketa tri wea i save garem frut. Olketa frut tri ya i no enemi blong yufala, an yufala save kaikaim olketa frut blong olketa. Nomata yufala stap longtaem, bat yufala mas no katemdaon olketa frut tri.