Esikiel 41:22 - Pijin Bible

²² Wanfala olta wea olketa mekem long timba, hemi stap long ples ya. Hae blong hem hemi wan an haf mita, an hemi skuea wea evri saet blong hem hemi kasem wan mita. Olketa mekem kona blong hem, an botom blong hem wetem olketa saet blong hem long timba. Man ya hemi tok olsem long mi, “Diswan nao hemi tebol wea oltaem hemi stanap frant long Yawe.”

Pijin Deuterocanon

²² Wanfala olta wea olketa mekem long timba, hemi stap long ples ya. Hae blong hem hemi wan an haf mita, an hemi skuea wea evri saet blong hem hemi kasem wan mita. Olketa mekem kona blong hem, an botom blong hem wetem olketa saet blong hem long timba. Man ya hemi tok olsem long mi, “Diswan nao hemi tebol wea oltaem hemi stanap frant long Yawe.”

Esikiel 41:22 ပူးပေါင်းရင်းမြစ်များ

1 Kings 6:20

Longfala blong Barava Tambu Rum hemi kasem naen mita, an waed blong hem hemi kasem naen mita, an hae blong hem hemi kasem naen mita. Long evri ples insaet long rum ya, olketa yusim nambawan gol fo kavarem olketa timba blong hem. An jes aotsaet long rum ya, disfala olta wea olketa wakem long timba blong sida, olketa kavarem tu long nambawan gol.

1 Kings 6:22

Long evri ples insaet long Tambuhaos, olketa yusim gol fo kavarem olketa timba. An olketa yusim gol fo kavarem olta blong Barava Tambu Rum tu.

1 Kings 7:48

An Solomon hemi talem olketa wakaman fo mekem olketa samting fo putum insaet long Tambuhaos. Olketa samting wea olketa wakem long nambawan gol hemi olsem: Olta fo Bonem Insens. Tebol fo Tambu Bred.

2 Kronikols 4:19

An Solomon hemi talem olketa wakaman fo mekem olketa samting fo putum insaet long Tambuhaos. Olketa samting wea olketa wakem long nambawan gol hemi olsem: Olta fo Bonem Insens. Olketa Tebol fo Tambu Bred.

Eksodas 25:23

Yawe hemi gohed fo tok olsem, “Bae yu mas wakem wanfala tebol long timba blong akesia tri. Longfala blong hem mas kasem 90 sentemita, an waed blong hem mas kasem 45 sentemita, an hae blong hem mas kasem 67 sentemita.

Eksodas 30:8

An long ivining, taem hemi kam fo laetem olketa lam long frem fo putum olketa ya, hemi mas bonem insens moa antap long olta ya. Disfala wei fo bonem insens olsem ofaring go long Yawe, bae olketa long laen blong Eron mas gohed fo falom olowe.

Provebs 9:2

Hemi kukim mit fo mekem fist, hemi redim waen, an hem putum finis olketa kaikai long tebol.

Nambawan Singsing 1:12

King blong mi, taem yu leidaon long longfala sea blong yu, oel wea hemi smel naes long bodi blong mi hemi fulumapem rum ya nao.

Esikiel 23:41

Oltaem, tufala gohed fo sidaon long tufala longfala sea blong tufala wea hemi luk barava spesol fogud, an tufala redim wanfala tebol wea tufala putum insens an oliv oel wea mi nao bin givim long tufala.

Esikiel 44:16

Olketa ya nomoa save kam insaet long Tambuhaos blong mi, an olketa ya nomoa save duim waka long olta blong mi, an save lidim olketa pipol fo wosipim mi.

Levitikas 24:6

Den yufala mas tekem kam tuelfala bred ya frant long mi long disfala Tebol fo Tambu Bred wea olketa wakem long nambawan gol. Yufala mas putum olketa bred long tufala laen, wea siksfala bred i long wan laen, an siksfala bred i long narafala laen.

Malakae 1:12

?Bat yufala mekravis long olta blong mi taem yufala talem dat hemi no tambu, an taem yufala ofarem long hem olketa ravis sakrifaes wea yufala seleva tu i les long hem.

Malakae 1:7

Yufala sakrifaesim ravis animol wea hemi no tambu antap long olta blong mi. An yufala gohed fo tok olsem, ??Hao nao mifala mekravis long yu?? Bat mi talem stret long yufala. Evritaem yufala mekravis long olta blong mi, yufala mekravis long mi nao.

1 Korin 10:21

Hemi nating fitim fo yufala dring long kap blong Masta an long kap blong devol tu. An hemi nating fitim fo yufala kaikai long tebol blong Masta an long tebol blong devol tu.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.

Revelesin 8:3

Nao narafala enjel moa hemi kam an stanap kolsap long olta ya. An hemi holem wanfala sosa blong insens wea olketa mekem long gol. Olketa givim hem plande insens moa fo hemi adem go wetem olketa prea blong olketa pipol blong God. An hemi mekem sakrifaes long hem long disfala olta wea olketa mekem long gol, wea hemi stap long frant blong tron ya.