Esikiel 41:15 - Pijin Bible

¹⁵ Hemi mesarem longfala blong haos ya long west saet wetem olketa rum long aotsaet blong hem, hem tu hemi fifti mita. Olketa wol insaet long Tambu Rum, an insaet long varanda long frant long Tambuhaos,

Pijin Deuterocanon

¹⁵ Hemi mesarem longfala blong haos ya long west saet wetem olketa rum long aotsaet blong hem, hem tu hemi fifti mita. Olketa wol insaet long Tambu Rum, an insaet long varanda long frant long Tambuhaos,

Esikiel 41:15 ပူးပေါင်းရင်းမြစ်များ

Nambawan Singsing 1:17

andanit long olketa sida tri an olketa paen tri. Olketa sida tri ya bae i olsem haos blong yumitufala, an olketa paen tri ya bae i olsem ruf long haos ya.

Nambawan Singsing 7:5

Taem mi lukim hed blong yu, mi tingim disfala hae maonten long Kaamel wea hemi luknaes tumas. Hea blong yu hemi blak an hemi saen fogud. Nomata wanfala king save dae nomoa fo yu taem hemi lukim hea blong yu, bikos hemi barava luknaes fogud.

Esikiel 41:12

Long en long open eria long west saet long Tambuhaos blong Yawe, wanfala bikfala haos hemi stap, wea longfala blong hem hemi foti-faev mita an waed blong hem hemi teti-faev mita. Tik blong olketa wol blong hem hemi tu an haf mita.

Esikiel 41:13

Man ya hemi mesarem aotsaet long Tambuhaos ya blong Yawe, an longfala blong hem hemi fifti mita. Stat long bihaen blong Tambuhaos ya fo go akros long open eria ya, go-go kasem bihaen long narafala haos long west saet, hemi fifti mita.

Esikiel 41:14

An stat frant long Tambuhaos ya blong Yawe go kasem tufala en long tufala open eria long tufala saet blong hem, hemi fifti mita.

Esikiel 41:16

olketa kavarem long olketa pis timba. Olketa kavarem tu long olketa pis timba olketa pos blong olketa geit an olketa doa, an olketa frem blong olketa windo, wetem olketa floa. An olketa dekoretem olketa wol ya wetem olketa pis timba wea hemi raonem go rum ya.

Esikiel 41:17

Olketa katemaot piksa blong olketa enjel an olketa pam tri falom olketa wol insaet long Tambuhaos ya an aotsaet long Tambuhaos, stat long botom go-go winim doa long antap. Olketa katem wanfala piksa blong pam tri, den olketa katem wanfala piksa blong enjel, den wanfala pam tri moa, den narafala enjel moa. Olketa du-duim olsem go-go olketa finisim evri wol blong olketa rum ya. Evri enjel ya i garem tufala fes.

Esikiel 42:1

Man ya hemi tekem mi goaot long not saet fo go long disfala bikfala open eria wea hemi stap aotsaet, an hemi tekem mi go long wanfala haos wea hemi garem olketa rum insaet long hem. Haos ya hemi stap long not saet blong disfala bikfala haos wea hemi stap long west saet long Tambuhaos.

Esikiel 42:15

Taem man ya hemi mesarem finis evrisamting insaet long Tambuhaos ya, hemi tekem mi goaot long geit ya wea hemi fesim go long ist, an hemi mesarem aotsaet blong bikfala wol wea hemi goraon long datfala bikfala open eria.

Esikiel 42:3

Wanfala saet long haos ya hemi fes go long disfala smolfala open eria ya insaet, an waed blong open eria ya wea hemi go kasem wol long Tambuhaos blong God hemi ten mita. Narafala saet hemi fes go long bikfala open eria ya wea olketa dekoretem rod blong hem long olketa ston mekem olketa pipol save wakabaot long hem. Haos ya hemi garem tri stori, an hemi garem olketa smolfala varanda.

Esikiel 42:5

Disfala fas stori long daon hemi stap stret long bikfala open eria ya, an mektu stori hemi stap go insaet lelebet, an mektri stori long antap hemi stap go moa bihaen, insaet long ples ya. So olketa stori long daon i bik lelebet winim olketa stori antap. Olketa duim olsem bikos disfala stori long antap hemi stap go insaet moa, an hemi kavarem haf blong disfala open ples long insaet. Olketa narafala haos wea i stap aotsaet long Tambuhaos, olketa garem olketa pos fo holem olketa floa wea hemi antap, bat disfala haos long not saet hemi no garem eni pos long hem.

Sekaraea 3:7

?Yawe hu hemi garem evri paoa, hemi tok olsem, ?Sapos yu falom stretfala wei blong mi an yu obeim olketa lo blong mi, bae mi letem yu fo lukaftarem Tambuhaos blong mi wetem olketa tambu eria raonem hem. An bae mi mekem yu fo garem raet fo kam stanap frant long mi, olsem olketa long hia hu i stanap olowe frant long mi.