Esikiel 40:6 - Pijin Bible

⁶ Bihaen, hemi go long geit wea hemi fesim go long ist. Hemi goap long olketa step an hemi mesarem tik blong wol long saet blong geit ya wea hemi tri mita, stat long aotsaet go-go kasem insaet.

Pijin Deuterocanon

⁶ Bihaen, hemi go long geit wea hemi fesim go long ist. Hemi goap long olketa step an hemi mesarem tik blong wol long saet blong geit ya wea hemi tri mita, stat long aotsaet go-go kasem insaet.

Esikiel 40:6 ပူးပေါင်းရင်းမြစ်များ

1 Kings 6:8

Doa fo go insaet long fas stori blong olketa rum long daon, hemi stap long saet long saot, an hemi garem lada wea hemi go antap long mektu stori an long mektri stori tu.

1 Kronikols 9:18

Olketa ya i bin gadem geit long saet long ist long Tambuhaos, wea olketa kolem hem “Geit blong King”. Bifoa kam olketa olfala grani blong olketa ya i bin gadem ples blong olketa Livaet kolsap long Tambu Haostent.

1 Kronikols 9:24

Olketa sekiuriti ya i stap long fofala saet blong Tambuhaos. Hem nao long ist, an long west, an long not, an long saot.

Nehemaea 3:29

Sadok, san blong Ima, hemi wakem neks haf blong wolston ya, wea hemi stap kolsap long haos blong hem. Semaea, san blong Sekanaea, hu hemi sekiuriti long Ist Geit, hemi wakem neks haf blong hem.

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Jeremaea 19:2

Yufala goaot long geit blong bikfala wolston blong taon, wea nem blong hem ‘Geit blong Pot long graon wea hemi brek’, an godaon insaet long vali long Hinom. Long datfala ples, bae yu talemaot long olketa evri toktok wea mi givim long yu.

Esikiel 10:18

Nao saen long bikfala paoa blong Yawe, hemi lusim doa blong Tambuhaos ya, an hemi muv go antap long olketa enjel ya.

Esikiel 11:1

Insaet long spesol drim ya, paoa blong God hemi liftim mi ap, an hemi tekem mi go long geit wea hemi stap long ist saet long Tambuhaos blong Yawe. Long geit ya, tuenti-faev man nao i stap. Insaet long grup ya, mi lukim tufala lida blong Israel wea nem blong tufala nao, Jaasanaea, san blong Asua, an Pelataea, san blong Benaea.

Esikiel 40:20

Hemi mesarem longfala an waed blong disfala geit long not, fo go insaet long bikfala open eria ya.

Esikiel 40:22

Varanda long geit, an olketa windo, an olketa piksa blong olketa pam tri wea olketa katem long wol, evriwan i semsem nomoa olsem olketa long geit ya long ist saet. Sevenfala step nao hemi goap long lada wea hemi go fo geit ya long aotsaet. Long narafala en blong disfala haos blong geit ya, hemi garem varanda wea hemi fesim go bikfala open eria ya.

Esikiel 40:24

Den disfala man hemi tekem mi go long saot saet, an mi lukim wanfala geit moa wea hemi stap long saot saet. Hemi mesarem tik blong wol long tufala saet long geit wetem varanda insaet long bikfala open eria ya, an olketa sem nomoa olsem olketa narawan.

Esikiel 40:26

Sevenfala step nao hemi stap long lada wea hemi goap fo geit ya, an varanda nao hemi stap insaet wea hemi fesim go bikfala open eria ya insaet. Piksa blong tufala pam tri nao olketa katem insaet long tufala saet blong geit ya.

Esikiel 40:5

Taem mi luk go, mi lukim wanfala wolston wea hemi barava raonem open eria blong Tambuhaos ya. Disfala rula wea man ya hemi holem, longfala blong hem hemi kasem tri mita. An man ya hemi mesarem disfala wolston, an hae blong hem hemi kasem tri mita, an tik blong hem hemi kasem tri mita.

Esikiel 40:7

Olketa rum blong olketa sekiuriti hemi tri mita long an tri mita waed. An olketa wol wea hemi stap midol long olketa rum ya, hemi tu an haf mita tik. Long en long rod long midol long olketa rum blong sekiuriti, mi lukim wanfala varanda wea hemi fesim kam long Tambuhaos. Waed blong geit wea hemi goaot long varanda ya hemi kasem tri mita.

Esikiel 41:16

olketa kavarem long olketa pis timba. Olketa kavarem tu long olketa pis timba olketa pos blong olketa geit an olketa doa, an olketa frem blong olketa windo, wetem olketa floa. An olketa dekoretem olketa wol ya wetem olketa pis timba wea hemi raonem go rum ya.

Esikiel 42:15

Taem man ya hemi mesarem finis evrisamting insaet long Tambuhaos ya, hemi tekem mi goaot long geit ya wea hemi fesim go long ist, an hemi mesarem aotsaet blong bikfala wol wea hemi goraon long datfala bikfala open eria.

Esikiel 43:1

Den man ya hemi tekem mi go long geit blong Tambuhaos, wea hemi fes go long ist saet.

Esikiel 43:17

An aotsaet blong disfala ples fo bonem sakrifaes hemi skuea, wea evri saet blong hem hemi seven mita. An long antap blong hem, bae hemi garem wanfala smolfala wol hemi goraonem, wea hae blong hem bae hemi tuenti-faev sentemita. An dren blong hem, bae waed blong hem hemi fifti sentemita. Olketa lada wea hemi goap long olta ya bae hemi stap long ist saet.”

Esikiel 43:8

Bifoa, olketa king ya i mekem nomoa doa long haos blong olketa, barava saet long doa long haos blong mi. Wanfala wol nomoa hemi stap long midol long tufala haos fo divaedem olketa from mi. Disfala ravis wei blong olketa hemi mekravis long holi nem blong mi nao. Hem nao mi spoelem olketa, bikos mi kros tumas long olketa.

Esikiel 44:1

Man ya hemi tekem mi go moa long disfala geit long ist saet blong bikfala open eria aotsaet long Tambuhaos ya, bat geit ya hemi sat nomoa.

Esikiel 46:12

“Taem king hemi tekem kam sakrifaes wea hemi mekem falom wanem hemi laekem, nomata hemi sakrifaes wea hemi barava bone o sakrifaes fo somaot dat hemi frengud wetem mi, bae geit ya long ist saet hemi mas open, mekem hemi kam insaet long hem. An bae hemi mas mekem olketa sakrifaes blong hem ya, long sem wei wea hemi save duim long Sabat de. An taem hemi go aotsaet, bae yufala satem moa geit ya.”

Esikiel 47:1

Man ya hemi tekem mi gobaek long doa long Tambuhaos. Mi sapraes fo lukim lelebet wata hemi ran kamaot andanit long doa wea hemi fesim go long ist. An disfala wata hemi ran go long ist. An mi lukim tu dat lelebet wata hemi ran kamaot andanit long Tambuhaos long saot saet, an hemi ran gopas long saot saet long olta.

Esikiel 8:16

Hemi tekem mi go moa insaet long disfala smol eria kolsap long Tambuhaos blong hem. Long ples ya nao tuenti-faev man i stanap kolsap long doa blong Tambu Rum, midol long olta an varanda long frant blong haos ya. Olketa tane go from Tambuhaos ya, an gohed fo luk go long ist. Olketa baodaon go long ist fo wosipim san taem hemi kamap long antap.