Esikiel 40:5 - Pijin Bible

⁵ Taem mi luk go, mi lukim wanfala wolston wea hemi barava raonem open eria blong Tambuhaos ya. Disfala rula wea man ya hemi holem, longfala blong hem hemi kasem tri mita. An man ya hemi mesarem disfala wolston, an hae blong hem hemi kasem tri mita, an tik blong hem hemi kasem tri mita.

Pijin Deuterocanon

⁵ Taem mi luk go, mi lukim wanfala wolston wea hemi barava raonem open eria blong Tambuhaos ya. Disfala rula wea man ya hemi holem, longfala blong hem hemi kasem tri mita. An man ya hemi mesarem disfala wolston, an hae blong hem hemi kasem tri mita, an tik blong hem hemi kasem tri mita.

Esikiel 40:5 ပူးပေါင်းရင်းမြစ်များ

Sams 125:2

Hem nao Yawe hemi gadem olketa pipol blong hem olowe nao, olsem olketa maonten i stap raonem Jerusalem.

Aesaea 26:1

(Profet) Long taem ya, yumi evriwan long Jiuda bae i singim disfala singsing wea hemi olsem: !Yumi garem strongfala taon! An wei wea God hemi sevem yumi, hemi olsem wanfala bikfala wolston wea hemi raonem yumi fo gadem yumi.

Aesaea 60:18

Bae yufala no save herem moa noes blong faet insaet long kantri blong yufala. An olketa enemi i no save kam moa fo spoelem ples blong yufala. Bae mi lukaftarem yufala an gadem yufala, olsem wanfala bikfala wolston wea hemi stap raonem yufala. An long taem ya, bae yufala preisim mi, bikos mi bin sevem yufala.

Esikiel 41:8

Mi luk godaon, an mi lukim dat faondesin blong Tambuhaos ya an olketa rum aotsaet hemi stanap tri mita hae winim olketa graon raonem Tambuhaos.

Esikiel 42:15

Taem man ya hemi mesarem finis evrisamting insaet long Tambuhaos ya, hemi tekem mi goaot long geit ya wea hemi fesim go long ist, an hemi mesarem aotsaet blong bikfala wol wea hemi goraon long datfala bikfala open eria.

Esikiel 42:20

Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Esikiel 43:13

Yawe hemi tok olsem, “Olketa mak long olta fo bonem sakrifaes hemi olsem. Rula fo mesarem olta ya hemi semsem nomoa olsem disfala rula wea olketa yusim fo mesarem Tambuhaos blong mi. Dren wea hemi goraonem botom blong olta ya, dip blong hem hemi fifti sentemita, an waed blong hem hemi fifti sentemita. An smolfala wol blong dren ya raonem aotsaet blong hem, hae blong hem hemi tuenti-faev sentemita.

Sekaraea 2:5

Mi seleva nao bae mi wolston fo gadem taon ya olsem faea wea hemi laet raonem. An bikfala paoa blong mi bae hemi saenaot insaet long taon ya.??

Diutronomi 3:11

Yu save, Paramaon Sif ya, hemi las man long laen blong olketa jaean wea olketa kolem Refaem. An taem hemi dae, olketa wakem kofin blong hem long blakfala ston wea hemi foa mita long, an kolsap tu mita waed. Disfala ston kofin hemi stap yet kam kasem tude long taon long Raba wea hemi taon blong pipol blong Amon.

Revelesin 21:12

Biktaon ya hemi garem bikfala wolston raonem hem wea hemi hae fogud. An hemi garem tuelfala geit long hem, an tuelfala enjel nao stanap fo gadem tuelfala geit ya. An olketa nem blong tuelfala traeb blong pipol blong Israel nao i stap long olketa geit ya.