Esikiel 40:47 - Pijin Bible

⁴⁷ Man ya hemi mesarem nao disfala smolfala open eria wea hemi stap kolsap long Tambuhaos. Hemi skuea, wea evri saet blong hem hemi fifti mita. Olta hemi stap midol long hem, barava frant long Tambuhaos ya blong Yawe wea hemi fes go long ist.

Pijin Deuterocanon

⁴⁷ Man ya hemi mesarem nao disfala smolfala open eria wea hemi stap kolsap long Tambuhaos. Hemi skuea, wea evri saet blong hem hemi fifti mita. Olta hemi stap midol long hem, barava frant long Tambuhaos ya blong Yawe wea hemi fes go long ist.

Esikiel 40:47 ပူးပေါင်းရင်းမြစ်များ

Eksodas 40:29

Hemi tekem Olta fo Bonem Sakrifaes an putum go aotsaet long frant long doa blong Tambu Haostent. An hemi bonem wanfala animol wea hemi sakrifaesim an hemi bonem tu disfala flaoa wea hemi miks wetem oel, barava olsem wea Yawe bin talem.

Esikiel 40:19

Den stat long disfala geit go kasem wol wea hemi raonem smolfala open eria kolsap long Tambuhaos ya, hemi mesarem longfala blong hem wea hemi kasem fifti mita. Bihaen hemi mesarem finis disfala geit long ist saet, man ya hemi tekem mi go moa long geit long not saet.

Esikiel 40:23

Wanfala geit hemi stap long narasaet long bikfala open eria ya, an hemi fes go long not, barava olsem tu narawan long narasaet wea hemi fes go long ist. Datfala man hemi mesarem bikfala open eria ya, stat long geit fo go aotsaet, go-go kasem geit fo go insaet long smolfala open eria ya insaet, hemi kasem fifti mita.

Esikiel 40:27

Wanfala geit hemi stap long narasaet long bikfala open eria ya, an hemi fes go long saot. Man ya hemi mesarem bikfala open eria ya, stat long geit fo go aotsaet, go-go kasem geit fo go insaet long smolfala open eria ya, hemi kasem fifti mita.

Esikiel 41:13

Man ya hemi mesarem aotsaet long Tambuhaos ya blong Yawe, an longfala blong hem hemi fifti mita. Stat long bihaen blong Tambuhaos ya fo go akros long open eria ya, go-go kasem bihaen long narafala haos long west saet, hemi fifti mita.