Esikiel 40:44 - Pijin Bible

⁴⁴ Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

Pijin Deuterocanon

⁴⁴ Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

Esikiel 40:44 ပူးပေါင်းရင်းမြစ်များ

Esikiel 40:10

Trifala rum blong olketa sekiuriti stap long wanfala saet blong rod ya, an trifala rum i stap long narasaet long rod, an saes blong olketa evriwan hemi semsem nomoa. An olketa wol long midol long olketa, tik blong olketa evriwan hemi semsem nomoa.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 40:23

Wanfala geit hemi stap long narasaet long bikfala open eria ya, an hemi fes go long not, barava olsem tu narawan long narasaet wea hemi fes go long ist. Datfala man hemi mesarem bikfala open eria ya, stat long geit fo go aotsaet, go-go kasem geit fo go insaet long smolfala open eria ya insaet, hemi kasem fifti mita.

Esikiel 40:27

Wanfala geit hemi stap long narasaet long bikfala open eria ya, an hemi fes go long saot. Man ya hemi mesarem bikfala open eria ya, stat long geit fo go aotsaet, go-go kasem geit fo go insaet long smolfala open eria ya, hemi kasem fifti mita.

Esikiel 40:29

Olketa rum blong olketa sekiuriti, an olketa wol saet long rod ya, an varanda, evriwan i semsem nomoa olsem olketa narafala geit. Disfala varanda an olketa rum ya i garem olketa windo tu. Longfala blong disfala haos blong geit tu hemi tuenti-faev mita, an waed blong hem hemi tuel an haf mita.

Esikiel 40:38

Kolsap long haos blong geit long not saet long bikfala open eria, mi lukim wanfala rum wea hemi barava kolsap long geit ya. Disfala rum hemi garem wanfala doa. Trifala haos blong geit ya evriwan hemi garem wanfala rum olsem. Hem nao ples wea olketa wasim olketa animol wea olketa kilim dae fo mekem sakrifaes wea hemi barava bone.

Esikiel 40:43

Olketa hangem evri huk goraon falom wol blong rum ya. An longfala blong olketa huk ya hemi ten sentemita. Olketa putum evri mit fo sakrifaes antap long olketa ston tebol ya.

Esikiel 40:7

Olketa rum blong olketa sekiuriti hemi tri mita long an tri mita waed. An olketa wol wea hemi stap midol long olketa rum ya, hemi tu an haf mita tik. Long en long rod long midol long olketa rum blong sekiuriti, mi lukim wanfala varanda wea hemi fesim kam long Tambuhaos. Waed blong geit wea hemi goaot long varanda ya hemi kasem tri mita.

Efesas 5:19

An taem yufala Kristin hipap tugeta, yufala mas gohed fo singim olketa Sam, an olketa singsing blong lotu, an olketa nara singsing wea Holi Spirit hemi givim kam. Yufala mas singsing an preisim Masta long haat blong yufala.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.