Esikiel 40:3 - Pijin Bible

³ Hemi tekem mi go kolsap moa, an mi lukim wanfala man wea bodi blong hem hemi saen fogud olsem bras. Hemi stanap long geit blong taon ya, an hemi holem wanfala longfala rula an wanfala teip fo mesarem wea i wakem long nambawan waet kaleko.

Pijin Deuterocanon

³ Hemi tekem mi go kolsap moa, an mi lukim wanfala man wea bodi blong hem hemi saen fogud olsem bras. Hemi stanap long geit blong taon ya, an hemi holem wanfala longfala rula an wanfala teip fo mesarem wea i wakem long nambawan waet kaleko.

Esikiel 40:3 ပူးပေါင်းရင်းမြစ်များ

Aesaea 28:17

Stretfala wei fo jajem pipol bae hemi olsem string fo mesarem faondesin, an wei fo duim stret long evrisamting bae hemi olsem ledlaen fo mekem wolston fo hemi stret. Bae olketa ston blong aes i foldaon kam olsem ren, an daonem olketa laea toktok wea yufala trastem. An bae riva hemi ran bikfala, an hemi karimaot olketa trik ya wea yufala tingse hemi kipim yufala sef.

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Esikiel 1:27

Stat long ples blong strap long man ya an goap long bodi blong hem, hemi saen tumas olsem bras wea hemi saen fogud, an hemi olsem wea faea hemi gohed fo laet bikfala insaet. Stat long ples blong strap an godaon long bodi blong hem, hemi olsem bikfala faea, wea hemi saen bikfala raonem man ya.

Esikiel 1:7

Lek blong olketa hemi stret an long daon hemi olsem lek blong buluka. Olketa lek ya i saen fogud olsem bras wea man hemi saenem.

Esikiel 41:1

Den man ya hemi tekem mi go insaet long disfala Tambu Rum, an hemi mesarem doa blong hem. Waed blong doa ya hemi faev mita, an hemi garem wol long tufala saet. Long wanfala saet hemi tu an haf mita waed, an long narasaet hemi semsem. An tik blong tufala wol wea doa ya hemi stap midol long tufala hemi tri mita. Hemi mesarem tu rum insaet, an waed blong hem hemi ten mita, an longfala blong hem hemi tuenti mita.

Esikiel 42:16

Hemi tekem longfala rula ya, an hemi mesarem saet ya hemi go long ist, wea hemi 250 mita.

Esikiel 43:6

Taem man ya hemi gohed fo stanap saet long mi long ples ya, mi herem voes blong Yawe, hemi kam from insaet long Tambuhaos blong hem.

Esikiel 47:3

Man ya hemi tekem longfala rula an hemi mesarem 500 mita godaon long wata fo go long ist saet. Nao mitufala wakabaot go akros fo ples ya. Long ples ya wata hemi no dip, hemi kavarem nomoa lek blong mi long daon.

Esikiel 8:2

Long spesol drim ya, mi lukim wanfala samting hemi luk olsem wanfala man. Stat long strap blong hem an godaon, bodi blong hem hemi olsem faea, an stat long strap blong hem an goap, bodi blong hem hemi barava saen fogud olsem bras.

Revelesin 1:15

An lek blong hem hemi saen olsem bras wea olketa klinim an hemi saen fogud, an voes blong hem hemi meknoes tumas olsem olketa bikfala wev.

Revelesin 11:1

Nao olketa givim wanfala longfala stik long mi moa, fo mesarem olketa samting long hem. An olketa talem mi olsem, “Yu go mesarem Tambuhaos blong God wetem olta blong hem. An yu kaontem tu olketa pipol hu i gohed fo wosip insaet long Tambuhaos ya.

Revelesin 21:15

Disfala enjel wea hemi tok kam long mi, hemi garem wanfala longfala gol stik fo mesarem biktaon ya wetem wolston blong hem an tuelfala geit blong hem.