Esikiel 40:25 - Pijin Bible

²⁵ An hemi garem olketa windo long varanda long geit an long olketa rum insaet long rod ya, olsem olketa narawan ya nomoa. Longfala blong haos blong geit ya hemi tuenti-faev mita, an waed blong hem hemi tuel an haf mita.

Pijin Deuterocanon

²⁵ An hemi garem olketa windo long varanda long geit an long olketa rum insaet long rod ya, olsem olketa narawan ya nomoa. Longfala blong haos blong geit ya hemi tuenti-faev mita, an waed blong hem hemi tuel an haf mita.

Esikiel 40:25 ပူးပေါင်းရင်းမြစ်များ

1 Kings 7:4

Long tufala wol long saet blong haos ya, hemi garem trifala laen long windo.

Esikiel 40:16

Evri rum ya i garem olketa smolfala windo, an olketa wol nao hemi divaedem olketa rum ya. Olketa windo ya, i smol long aotsaet, bat hemi open bikfala long insaet. Olketa piksa long olketa pam tri nao olketa katem falom olketa wol midol long olketa rum ya.

Esikiel 40:29

Olketa rum blong olketa sekiuriti, an olketa wol saet long rod ya, an varanda, evriwan i semsem nomoa olsem olketa narafala geit. Disfala varanda an olketa rum ya i garem olketa windo tu. Longfala blong disfala haos blong geit tu hemi tuenti-faev mita, an waed blong hem hemi tuel an haf mita.

Esikiel 40:33

Olketa rum blong olketa sekiuriti, an olketa wol saet long rod ya, an varanda, evriwan i semsem nomoa olsem olketa narafala geit. Disfala varanda an olketa rum ya i garem olketa windo tu. Longfala blong disfala haos blong geit tu hemi tuenti-faev mita, an waed blong hem hemi tuel an haf mita.

Esikiel 41:16

olketa kavarem long olketa pis timba. Olketa kavarem tu long olketa pis timba olketa pos blong olketa geit an olketa doa, an olketa frem blong olketa windo, wetem olketa floa. An olketa dekoretem olketa wol ya wetem olketa pis timba wea hemi raonem go rum ya.

Gudnius abaotem Jisas Kraes wea Jon hemi raetem 12:46

Mi kam insaet long disfala wol olsem laet, mekem evriwan hu i biliv long mi bae hemi no stap long tudak.

1 Korin 13:12

Distaem, yumi save lelebet nomoa abaotem God. Hemi olsem yumi lukim long glas wea hemi no klia gudfala. Bat long taem wea bae hemi kam, bae yumi lukim evrisamting stret olsem long ae blong God seleva. Long taem ya, bae yumi save finis nao, olsem God hemi save finis abaotem yumi finis.

2 Pita 1:19

From olketa samting ya nao, mifala biliv strong moa long wanem olketa profet bin talem. So yufala mas holestrong long olketa toktok blong olketa profet, bikos olketa toktok ya i olsem lam wea hemi saen long ples wea hemi dak tumas. Laet ya bae hemi saen go-go delaet hemi kamap, an laet blong disfala sta blong eli moning bae hemi saen insaet long maen blong yufala.