Esikiel 40:17 - Pijin Bible

¹⁷ Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Pijin Deuterocanon

¹⁷ Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 40:17 ပူးပေါင်းရင်းမြစ်များ

1 Kings 6:5

An long aotsaet blong wol ya, long tufala saet an long bihaen, hemi garem narafala haf blong Tambuhaos moa wea hemi joen long wol ya, an hemi garem olketa rum wea i tristori hae.

2 Kings 23:11

Long datfala taem, olketa kaat fo faet, an olketa hos blong olketa i stap. Bifoa, olketa king blong Jiuda i bin mektambu long olketa fo wosipim san. Olketa stap insaet long eria raonem Tambuhaos kolsap long rum blong wanfala bikman, Natan-Melek. Bat King Josaea hemi raosim olketa hos ya, an hemi bonem olketa kaat ya long faea.

1 Kronikols 23:28

Olketa helpem olketa prist hu i bon kam nomoa long laen blong Eron long wosip long Tambuhaos blong Yawe. An olketa gohed fo lukaftarem olketa open eria raonem Tambuhaos an olketa rum blong Tambuhaos ya. An olketa gohed fo mekem klin olketa tambu samting tu.

1 Kronikols 9:26

Bat fofala Livaet hu i lida blong olketa sekiuriti ya, olketa bin lukaftarem olketa rum insaet long Tambuhaos blong God, an lukaftarem olketa samting wea olketa prist i putum insaet long olketa rum ya.

2 Kronikols 31:11

Den King Hesekaea hemi talem long olketa fo redim olketa stoarum insaet long Tambuhaos blong Yawe.

Eksodas 27:9

Yawe hemi gohed fo tok olsem, “Bae yu mas wakem fens fo mekem wanfala open eria raonem Tambu Haostent. Yu mas somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya mas kasem 45 mita.

Esikiel 10:5

Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Esikiel 40:18

Long tufala saet long haos blong geit, disfala floa hemi falom go wol raonem bikfala open eria ya. An waed blong disfala floa hemi semsem olsem longfala blong haos blong geit wea hemi kamaot long open eria ya. Stat long floa ya fo wakabaot, man mas goap lelebet fo kasem smolfala open eria kolsap long Tambuhaos.

Esikiel 40:38

Kolsap long haos blong geit long not saet long bikfala open eria, mi lukim wanfala rum wea hemi barava kolsap long geit ya. Disfala rum hemi garem wanfala doa. Trifala haos blong geit ya evriwan hemi garem wanfala rum olsem. Hem nao ples wea olketa wasim olketa animol wea olketa kilim dae fo mekem sakrifaes wea hemi barava bone.

Esikiel 40:44

Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

Esikiel 40:45

Man ya hemi tok olsem long mi, “Disfala rum wea hemi fes go long saot, hemi fo olketa prist hu i lukaftarem olketa waka insaet long Tambuhaos.

Esikiel 40:46

An disfala rum wea hemi fes go long not, hemi fo olketa prist hu i lukaftarem olketa waka long olta. Tufala grup evriwan i olketa prist long laen blong Sadok, disfala Haeprist blong bifoa. Olketa long disfala traeb blong Livae nomoa, i garem raet fo kam kolsap long Yawe fo duim waka blong hem.”

Esikiel 42:1

Man ya hemi tekem mi goaot long not saet fo go long disfala bikfala open eria wea hemi stap aotsaet, an hemi tekem mi go long wanfala haos wea hemi garem olketa rum insaet long hem. Haos ya hemi stap long not saet blong disfala bikfala haos wea hemi stap long west saet long Tambuhaos.

Esikiel 42:3

Wanfala saet long haos ya hemi fes go long disfala smolfala open eria ya insaet, an waed blong open eria ya wea hemi go kasem wol long Tambuhaos blong God hemi ten mita. Narafala saet hemi fes go long bikfala open eria ya wea olketa dekoretem rod blong hem long olketa ston mekem olketa pipol save wakabaot long hem. Haos ya hemi garem tri stori, an hemi garem olketa smolfala varanda.

Esikiel 42:4

Olketa varanda ya i stap long frant long olketa rum long saet long haos ya wea hemi fesim go long Tambuhaos, an waed blong olketa varanda ya hemi faev mita. Long narasaet long disfala haos, long not saet, hemi garem olketa doa blong haos an wanfala smol rod falom frant long haos ya wea waed blong hem hemi fifti sentemita.

Esikiel 44:1

Man ya hemi tekem mi go moa long disfala geit long ist saet blong bikfala open eria aotsaet long Tambuhaos ya, bat geit ya hemi sat nomoa.

Esikiel 45:5

An narafala haf long graon ya, wea longfala blong hem hemi tuel an haf kilomita, an waed blong hem hemi faev kilomita, bae hemi fo olketa Livaet hu i gohed fo duim waka long Tambuhaos blong mi, mekem olketa garem ples fo bildim olketa taon blong olketa.

Esikiel 46:21

Den hemi tekem mi go long disfala bikfala open eria long aotsaet, an som fofala kona long open eria ya. Long fofala kona evriwan, hemi garem smol eria wea hemi garem wol raonem. Longfala blong fofala smol eria evriwan hemi tuenti mita, an waed blong fofala ya hemi fiftin mita. Insaet long fofala smol eria ya, olketa garem olketa ples fo faea wea olketa mekem saet long wol.

Revelesin 11:2

Bat yu no mesarem eria aotsaet long Tambuhaos ya, bikos ples ya olketa bin givim fo olketa pipol hu i no Jiu. An olketa nao bae i rul ovarem Jerusalem fo foti-tu mans.