Esikiel 40:14 - Pijin Bible

¹⁴ Den man ya hemi mesarem hae blong tufala saet blong geit wea hemi stap midol long disfala varanda an open eria ya frant long Tambuhaos. Hemi kasem teti mita. An disfala haos blong geit wetem olketa rum blong sekiuriti an varanda, hemi stap insaet long open eria frant long Tambuhaos, mekem open eria ya hemi raonem haos ya long trifala saet long hem.

Pijin Deuterocanon

¹⁴ Den man ya hemi mesarem hae blong tufala saet blong geit wea hemi stap midol long disfala varanda an open eria ya frant long Tambuhaos. Hemi kasem teti mita. An disfala haos blong geit wetem olketa rum blong sekiuriti an varanda, hemi stap insaet long open eria frant long Tambuhaos, mekem open eria ya hemi raonem haos ya long trifala saet long hem.

Esikiel 40:14 ပူးပေါင်းရင်းမြစ်များ

1 Kronikols 28:6

Hemi bin tok olsem long mi, ‘San blong yu Solomon, hem nao bae hemi wakem Tambuhaos blong mi. Mi siusim hem finis fo kamap olsem san blong mi, an mi bae mi kamap olsem dadi blong hem.

Sams 100:4

Yufala mas go insaet long Tambuhaos blong hem fo talem tengkiu long hem, an fo preisim hem. Ya, yumi talem tengkiu long hem an preisim hem

Eksodas 27:9

Yawe hemi gohed fo tok olsem, “Bae yu mas wakem fens fo mekem wanfala open eria raonem Tambu Haostent. Yu mas somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya mas kasem 45 mita.

Eksodas 35:17

An olketa kaleko blong fens fo mekem disfala open eria raonem Tambu Haostent wetem olketa pos blong fens ya an olketa botom blong olketa, an kaleko fo satem doa blong fens ya.

Aesaea 62:9

So, yufala hu i wakahad fo tekemaot kaikai, bae yufala save kaikaim olketa kaikai wea yufala bin plantem, an bae yufala save preisim Yawe fo olketa kaikai ya. Yufala hu i wakahad fo lukaftarem olketa plantesin long grep tri, an yufala hu bin karim kam olketa grep frut ya, bae yufala nomoa save dringim waen ya insaet long Tambuhaos blong mi taem yufala mekem ofaring fo tengkiu long mi.”

Esikiel 40:13

Man ya hemi joenem mak blong tufala rum ya stat long wol long baek blong wanfala rum, wetem waed blong rod wea hemi pas tru midol long siksfala rum ya, go-go kasem wol long baek blong rum wea hemi stap narasaet long hem, hemi kasem tuel an haf mita.

Esikiel 40:15

Longfala blong disfala rod wea hemi stat long geit an hemi go pas long varanda ya, go-go kasem open eria ya insaet, hemi kasem tuenti-faev mita.

Esikiel 41:21

Olketa skuea pos nao i stap long doa blong disfala Tambu Rum, an pos blong doa blong Barava Tambu Rum tu i skuea.

Esikiel 42:1

Man ya hemi tekem mi goaot long not saet fo go long disfala bikfala open eria wea hemi stap aotsaet, an hemi tekem mi go long wanfala haos wea hemi garem olketa rum insaet long hem. Haos ya hemi stap long not saet blong disfala bikfala haos wea hemi stap long west saet long Tambuhaos.

Esikiel 8:7

Den hemi tekem mi go long geit blong open eria ya, an mi lukim wanfala hol wea hemi gotru long bikfala wolston ya.

Levitikas 6:16

Nao narafala haf long flaoa wea hemi stap, hemi fo olketa prist, mekem olketa save wakem bisket long hem, bat hemi tambu fo putum yist long hem. An olketa mas kaikaim bisket ya insaet long ples blong Tambu Haostent, bikos ples ya hemi tambu. Disfala kaikai wea mi givim long olketa hemi wanfala tambu samting, hemi tambu tumas olsem sakrifaes fo mekem man stret moa long ae blong mi, an sakrifaes fo mekem kompensesin.