Esikiel 39:5 - Pijin Bible

⁵ Mi Lod Yawe mi tok tru long yufala: Bae olketa bodi blong yufala i stap olobaot nomoa long olketa open ples.

Pijin Deuterocanon

⁵ Mi Lod Yawe mi tok tru long yufala: Bae olketa bodi blong yufala i stap olobaot nomoa long olketa open ples.

Esikiel 39:5 ပူးပေါင်းရင်းမြစ်များ

Aesaea 24:21

Long datfala taem, bae Yawe hemi panisim olketa hu i garem paoa long antap an olketa hu i rul ovarem disfala wol.

Jeremaea 22:19

“Bae olketa pulum bodi blong yu go aotsaet long Jerusalem an torowem hem godaon long dea, olsem nao bodi blong wanfala dongki wea hemi dae.”

Jeremaea 8:2

Bae olketa bon ya i stap olobaot nomoa antap long graon andanit long san, an long mun, an long olketa sta wea olketa pipol ya i aftarem, an lavem tumas, an mekem wosip long olketa. Bae no eniwan hemi hipimap olketa bon ya fo berem, an bae olketa i olsem ravis wea hemi stap nomoa long graon.

Esikiel 29:5

Bae mi lusim yu wetem evri fis ya insaet long bikfala drae eria. Bodi blong yu bae hemi stap long ples ya wea no eniwan save berem yu. An bae mi givim bodi blong yu long olketa bed an olketa wael animol fo kaikaim.

Esikiel 32:4

Ya, bae mi torowem yu go long open ples long drae lan, an letem olketa bed an olketa animol long wol fo kaikaim bodi blong yu go-go olketa barava fulap.

Esikiel 35:8

Bae mi kavarem olketa maonten, an olketa vali, an olketa smolfala riva long bodi blong pipol wea i dae long faet.

Esikiel 39:4

Yu wetem olketa soldia blong yu, an olketa fren blong yu hu i gohed fo helpem yu, bae yufala dae olobaot long olketa maonten blong Israel. An bae mi letem olketa bed an olketa wael animol fo kaikaim yufala.

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.