Esikiel 39:4 - Pijin Bible

⁴ Yu wetem olketa soldia blong yu, an olketa fren blong yu hu i gohed fo helpem yu, bae yufala dae olobaot long olketa maonten blong Israel. An bae mi letem olketa bed an olketa wael animol fo kaikaim yufala.

Pijin Deuterocanon

⁴ Yu wetem olketa soldia blong yu, an olketa fren blong yu hu i gohed fo helpem yu, bae yufala dae olobaot long olketa maonten blong Israel. An bae mi letem olketa bed an olketa wael animol fo kaikaim yufala.

Esikiel 39:4 ပူးပေါင်းရင်းမြစ်များ

Aesaea 14:24

Yawe hu hemi garem evri paoa hemi mekem wanfala strongfala promis olsem, “!Plan blong mi bae hemi mas kam tru! !Evrisamting wea mi laek fo duim, bae hemi mas hapen nao!

Aesaea 14:25

Bae mi spoelem evri pipol blong Asiria wea i stap long disfala lan blong mi. An bae mi step long olketa an barava spoelem olketa hu i stap long olketa maonten long lan ya. Ya, bae mi mekem yufala pipol blong mi fo go fri, an bae mi tekemaot olketa hevi samting from solda blong yufala wea olketa fosim yufala fo karim.

Jeremaea 15:3

“Bae mi Yawe mi sendem fofala samting fo spoelem olketa finis. Bae olketa enemi i kam fo kilim olketa dae. Bae olketa dog i kam pulumaot olketa bodi blong olketa. An olketa bed wetem olketa wael animol bae olketa kaikaim olketa bodi ya finis.

Jeremaea 25:33

Long datfala taem, olketa bodi blong olketa wea Yawe hemi kilim dae, bae i stap olobaot long evri ples long wol. Bae no eniwan hemi sore an krae fo olketa. Bae no eniwan hemi hipimap olketa bodi ya fo berem, an bae olketa bodi ya i olsem ravis wea hemi stap nomoa long graon.

Esikiel 29:5

Bae mi lusim yu wetem evri fis ya insaet long bikfala drae eria. Bodi blong yu bae hemi stap long ples ya wea no eniwan save berem yu. An bae mi givim bodi blong yu long olketa bed an olketa wael animol fo kaikaim.

Esikiel 33:27

“Yu talem olketa dat mi Lod Yawe nao mi tok olsem: Mi mekem disfala strongfala promis long nem blong mi hu mi laef olowe: Yufala evriwan hu i laef yet long olketa taon, bae dae long faet. An yufala hu i stap aotsaet long taon, bae mi givim yufala long olketa wael animol fo kaikaim yufala. An yufala hu i gohed fo haed long olketa hil, an long olketa kev, bae yufala evriwan i dae long wanfala ravis sik.

Esikiel 35:8

Bae mi kavarem olketa maonten, an olketa vali, an olketa smolfala riva long bodi blong pipol wea i dae long faet.

Esikiel 38:21

Bae mi sendem olketa enemi fo kam long olketa maonten blong Israel fo faet agensim King Gog. An bae olketa soldia blong hem i gohed fo kilim olketa seleva dae long faet. Mi Yawe nao mi tok.

Esikiel 39:5

Mi Lod Yawe mi tok tru long yufala: Bae olketa bodi blong yufala i stap olobaot nomoa long olketa open ples.

Neiham 3:3

Olketa soldia hu i raedem hos i resis kam fo kilim yufala dae. Olketa naef fo faet an spia i saen fogud olsem laetning taem olketa suingim fo kilim yufala dae. Bodi blong olketa man dae hemi plande tumas, an no eniwan save kaontem nao. Olketa bodi ya hemi stap olobaot nomoa, mekem olketa soldia i kolsap foldaon long olketa.