Esikiel 39:17 - Pijin Bible

¹⁷ “Man blong graon. Mi Lod Yawe nao mi tok olsem: Yu mas kolaot long evri bed an evri animol from evri ples. Yu mas talem dat mi tok olsem: Yufala mas hipap kam long olketa maonten blong Israel fo kaikaim disfala bik sakrifaes wea bae mi redim fo yufala. Hem nao bikfala fist, an yufala save kaikaim mit an dringim blad blong olketa soldia ya.

Pijin Deuterocanon

¹⁷ “Man blong graon. Mi Lod Yawe nao mi tok olsem: Yu mas kolaot long evri bed an evri animol from evri ples. Yu mas talem dat mi tok olsem: Yufala mas hipap kam long olketa maonten blong Israel fo kaikaim disfala bik sakrifaes wea bae mi redim fo yufala. Hem nao bikfala fist, an yufala save kaikaim mit an dringim blad blong olketa soldia ya.

Esikiel 39:17 ပူးပေါင်းရင်းမြစ်များ

Jenesis 31:54

Bihaen, hemi kilim wanfala animol, an hemi mekem sakrifaes long hem antap long maonten ya, an hemi kolem olketa long laen blong hem fo kam an joen wetem hem fo kaikaim mit long sakrifaes ya. An taem olketa finis kaikai, long naet ya, olketa slip kam antap long maonten ya nao.

Aesaea 18:6

Bodi blong olketa soldia wea i dae bae hemi stap olobaot nomoa mekem olketa bed an olketa wael animol i garem staka kaikai fo longtaem.

Aesaea 29:2

Bat bae mi kam fo spoelem taon ya, an bae yufala gohed fo safa an krae fogud. An taon ya bae hemi olsem olta blong mi.

Aesaea 34:6

Bae blad an gris blong olketa hemi stap long naef ya, olsem blad an gris blong sipsip o nanigot wea prist hemi kilim dae fo sakrifaesim. Ya, bae Yawe hemi kilim dae olketa long bikfala taon long Bosra olsem wanfala sakrifaes. An bae hemi kilim dae tu plande moa long olketa narafala pipol long kantri blong Idom.

Aesaea 34:7

Olketa bikman blong Idom i olsem wael buluka. Ya, olketa i strong olsem man buluka. Bat nomata olsem, bae olketa ya i foldaon tu olsem evri narafala man long ples ya. Blad an gris blong olketa bae hemi fulap long graon olsem mad.

Aesaea 56:9

(Profet) !Yufala enemi blong Israel! !Yufala kam olsem wael animol an kaikaim olketa pipol blong mi!

Jeremaea 12:9

“Lan blong mi nao hemi kamap nomoa olsem ples blong wael dog, wea olketa bikfala bed i flae raonem an weit nomoa fo kaikaim olketa samting wea i dae. !Yufala go! !Kolem olketa wael animol mekem olketa kam fo joenem fist!

Jeremaea 25:33

Long datfala taem, olketa bodi blong olketa wea Yawe hemi kilim dae, bae i stap olobaot long evri ples long wol. Bae no eniwan hemi sore an krae fo olketa. Bae no eniwan hemi hipimap olketa bodi ya fo berem, an bae olketa bodi ya i olsem ravis wea hemi stap nomoa long graon.

Jeremaea 46:10

“Bat nomata olketa redim olketa olsem, datfala de fo jaj hemi blong Lod Yawe hu hemi garem evri paoa. De ya nao hemi de wea bae hemi sensimbaek olketa nogud samting wea olketa enemi blong hem bin mekem. Bikfala naef fo faet blong hem bae hemi olsem wael animol wea hemi kaikaim olketa, go-go hemi fulap, an hemi dringim blad blong olketa, go-go hemi garem naf. Ya, kolsap long Yufretis Riva long not, Lod Yawe hu hemi garem evri paoa hemi kilim olketa dae, olsem wea hemi mekem bikfala sakrifaes wea evriwan save mekem fist blong hem.

Esikiel 29:5

Bae mi lusim yu wetem evri fis ya insaet long bikfala drae eria. Bodi blong yu bae hemi stap long ples ya wea no eniwan save berem yu. An bae mi givim bodi blong yu long olketa bed an olketa wael animol fo kaikaim.

Esikiel 39:16

An wanfala taon wea olketa kolem Hamona, bae hemi stap long ples ya tu. Hemi olsem, bae olketa mekem lan ya fo kamap klin moa.

Esikiel 39:4

Yu wetem olketa soldia blong yu, an olketa fren blong yu hu i gohed fo helpem yu, bae yufala dae olobaot long olketa maonten blong Israel. An bae mi letem olketa bed an olketa wael animol fo kaikaim yufala.

Sefenaea 1:7

?Datfala de wea mi Lod Yawe bae mi jajem pipol, hemi kam kolsap nao, so olketa mas stap kuaet long frant long mi. Mi Yawe mi redi finis fo sakrifaesim olketa pipol blong mi. An mi mektambu long olketa wea mi kolem kam fo mekem sakrifaes ya.

Matiu 24:28

“An yumi save, eni ples wea samting wea hemi dae hemi stap long hem, bae olketa igol i kam fo hipap raonem hem nao ya.”

1 Samuel 16:3

Yu mas kolem Jese fo kam long sakrifaes ya, an long taem ya nao, bae mi talem yu olketa samting wea yu mas duim. Man wea bae mi talem long yu, hem nao yu mas mektambu long hem fo hemi kamap king.”

1 Samuel 17:46

Tude nomoa, Yawe bae hemi putum yu long han blong mi. Bae mi kilim yu an katemaot hed blong yu. An bae mi givim go bodi blong yufala blong Filistia long olketa bed an long olketa wael animol fo kaikaim. Den evriwan bae save olsem God hemi lukaftarem Israel.