Esikiel 39:11 - Pijin Bible

¹¹ Yawe hemi gohed fo tok olsem long mi, “Long taem wea olketa samting ya hemi hapen, bae mi makem wanfala pisgraon long Israel long ist saet long si, fo berem King Gog an olketa soldia blong hem. Nem blong ples ya nao hemi Vali fo Wakabaot, an bae pipol no save wakabaot moa long hem bikos olketa berem Gog wetem bikfala ami blong hem long vali ya. Hem nao bae olketa kolem ples ya long Vali blong Hamon-Gog.

Pijin Deuterocanon

¹¹ Yawe hemi gohed fo tok olsem long mi, “Long taem wea olketa samting ya hemi hapen, bae mi makem wanfala pisgraon long Israel long ist saet long si, fo berem King Gog an olketa soldia blong hem. Nem blong ples ya nao hemi Vali fo Wakabaot, an bae pipol no save wakabaot moa long hem bikos olketa berem Gog wetem bikfala ami blong hem long vali ya. Hem nao bae olketa kolem ples ya long Vali blong Hamon-Gog.

Esikiel 39:11 ပူးပေါင်းရင်းမြစ်များ

Eksodas 8:14

Olketa pipol blong Ijip i hipimap olketa frog ya, an evri ples hemi barava smel nogud long olketa roten frog ya.

Esikiel 38:2

“Man blong graon. Luk go long kantri long Megog, an yu mas talemaot disfala profesi agensim King Gog, hu hemi king blong olketa long laen blong Mesek, an laen blong Tubal, long kantri long Megog.

Esikiel 39:10

Ya, bae olketa no nid fo lukaotem faeawud moa, an no nid fo go long bus fo katemdaon olketa tri, bikos olketa save yusim nomoa olketa wepon ya. An bae olketa tekem gudfala samting from olketa enemi hu bin tekem gudfala samting from olketa. Hem nao mesij blong mi Lod Yawe.”

Esikiel 39:12

Bae olketa pipol blong Israel gohed fo berem olketa fo sevenfala mans, fo mekem lan hemi kamap klin moa.

Esikiel 39:15

Evritaem olketa man i faendem bon blong wanfala man dae, bae olketa makem ples ya, mekem olketa man fo berem man save go berem hem long Vali blong Hamon-Gog.

Esikiel 47:18

“An long ist saet, baondri ya bae hemi divaedem lan blong taon long Damaskas an distrik long Haoran. Hemi falom Jodan Riva, wea hemi baondri long lan blong Israel long ist saet, an lan blong Gilead hemi stap narasaet go long riva ya. Baondri ya hemi go kasem taon long Tama long Ded Si. Hem nao baondri long lan ya long ist saet.

Nambas 11:34

So olketa kolem datfala ples Kibrot-Hatava wea hemi minim olsem “Beregraon blong olketa hu i hanggre tumas fo mit”, bikos long dea olketa berem olketa hu i hanggre tumas fo mit.

Nambas 34:11

an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Gudnius abaotem Jisas Kraes wea Jon hemi raetem 6:1

Narafala taem moa bihaen, Jisas wetem olketa disaepol blong hem, olketa go long narasaet long disfala leik long Galili wea nara nem blong hem nao Taebirias.