Esikiel 38:5 - Pijin Bible

⁵ Olketa ami blong Pesia wetem olketa blong Kus an blong Libia, bae i kam wetem yu, an olketa evriwan bae i holem sil an werem hat fo faet.

Pijin Deuterocanon

⁵ Olketa ami blong Pesia wetem olketa blong Kus an blong Libia, bae i kam wetem yu, an olketa evriwan bae i holem sil an werem hat fo faet.

Esikiel 38:5 ပူးပေါင်းရင်းမြစ်များ

Jenesis 10:6

An olketa laen blong Ham, nem blong olketa nao hemi, Kus, an Ijip, an Libia, an Kenan. An olketa man blong olketa ples wea olketa gohed fo garem olketa nem ya, olketa i laen blong olketa.

Jenesis 10:8

An Kus ya hemi garem wanfala pikinini boe wea nem blong hem Nimrod, hu hemi fas man long wol fo kamap nambawan man fo faet, an hemi gohed fo winim olketa narafala kantri.

1 Kronikols 1:8

Olketa san blong Ham i olsem: Kus, an Ijip, an Libia, an Kenan.

2 Kronikols 36:20

Olketa fosim olketa pipol hu i laef yet fo go long Babilonia. Olketa go waka olsem slev blong king an olketa long laen blong hem. Hemi olsem go kasem taem wea King blong Pesia hemi rul ovam olketa.

Esra 1:1

Long fas yia wea King Saeras blong Pesia hemi rul ovarem Babilonia, Yawe hemi waka insaet long tingting blong king ya fo mekem wanfala toktok. Olketa sekretri blong hem i raetemdaon disfala toktok, an hemi sendem mesij ya go long evri ples long bikfala kingdom blong hem, mekem olketa ridimaot long olketa pipol. Yawe hemi duim diswan, mekem Mesij blong Yawe wea Profet Jeremaea bin talemaot, fo kamtru. Toktok ya hemi olsem,

Esikiel 27:10

“Olketa blong Taea. Olketa man from olketa kantri long Pesia, an Lidia, an Libia nao i kamap soldia long ami blong yufala. Olketa ya i hangem olketa sil an hat blong olketa fo faet falom olketa wol blong yufala, fo mekem hemi luknaes fogud.

Esikiel 30:4

Bae olketa enemi i faet agensim Ijip, an olketa blong Kus bae i filnogud tumas. Bae plande pipol long Ijip i dae long faet ya, an bae olketa enemi i karimaot evri risis from disfala kantri, an spoelem kantri ya finis nao.

Esikiel 30:5

“Bae olketa soldia blong olketa kantri ya, Kus, an Libia, an Lidia, an Arebia, an Kub, an olketa pipol tu wea i agri fo faet wetem olketa, bae olketa evriwan i dae long faet, wetem olketa blong Ijip.

Daniel 8:20

“Disfala man sipsip wea hemi garem tufala hon, hem nao tufala king ya blong Media an Pesia.

Neiham 3:9

Olketa long taon ya i rul ovarem Kus an Ijip, an paoa blong olketa hemi barava strong tumas. Tufala kantri long Put an Libia i fren blong olketa.