Esikiel 38:19 - Pijin Bible

¹⁹ Ya, bikos mi barava kros fogud, mi mekem strongfala promis olsem: Wanfala etkuek wea hemi bikfala fogud bae hemi sekem disfala lan blong Israel.

Pijin Deuterocanon

¹⁹ Ya, bikos mi barava kros fogud, mi mekem strongfala promis olsem: Wanfala etkuek wea hemi bikfala fogud bae hemi sekem disfala lan blong Israel.

Esikiel 38:19 ပူးပေါင်းရင်းမြစ်များ

Sams 18:7

Bikos God hemi kros tumas long olketa enemi blong mi, hem nao graon long wol ya hemi seksek fogud, an botom blong olketa maonten tu i seksek.

Sams 18:8

Kros blong hem hemi bikfala tumas olsem faea wea hemi laet bikfala, an hemi barava hot fogud. Ya, hemi olsem wea smok hemi kamaot from nous blong hem an hot ston hemi kam aot long maos blong hem.

Sams 79:5

?Lod Yawe, waswe, bae yu kros long mifala olowe nao? ?Waswe, bae yu letem kros blong yu fo mifala hemi hot olowe nomoa olsem faea?

Aesaea 42:13

Yawe hemi goaot fo faet olsem wanfala strongman, hemi mekem hem seleva redi barava olsem wanfala man fo faet. Hemi singaot bikfala fo somaot paoa blong hem agensim olketa enemi blong hem.

Aesaea 42:15

Bae mi spoelem finis olketa maonten an olketa hil, an bae mi mekem olketa gras an olketa tri fo dae evriwan. Bae mi mekem olketa riva fo kamap drae graon. Ya, bae mi mekem olketa pul fo kamap barava drae.

Esikiel 36:5

Ya, Lod Yawe nao hemi tok olsem: Kros blong mi fo kantri long Idom wetem olketa narafala kantri raonem yufala, hemi bone olsem hot faea. Ya, mi barava agensim olketa, bikos taem enemi hemi spoelem olketa pipol blong mi, olketa kantri ya i hapi tumas fo tekova long lan blong mi.

Esikiel 36:6

“Bikos evrisamting ya hemi olsem, yu mas talemaot disfala profesi abaotem lan blong Israel long olketa maonten, an olketa hil, an olketa riva, an olketa vali. Yu talem olketa dat mi Lod Yawe nao mi tok olsem: Mi barava kros tumas long diskaen wei wea olketa pipol blong olketa narafala kantri i gohed fo toknogud fo daonem olketa ples ya, an meksem long yufala.

Esikiel 39:25

“Dastawe nao mi Lod Yawe, mi tok olsem: Distaem, bae mi sore long olketa pipol blong mi wea i bon kam bihaen long Jekob, an bae mi mekem olketa fo stap gudfala moa olsem bifoa. An bae mi no letem olketa fo tokspoelem moa holi nem blong mi.

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.

Esikiel 5:13

Bihaen olketa samting ya, panis bae hemi finis, an kros blong mi long olketa hemi finis tu. Nao bae olketa save dat mi Yawe bin talemaot dat disfala panis hemi kasem olketa bikos mi barava kros tumas long olketa.

Joel 2:18

(Profet) Nao bae Yawe hemi somaot dat hemi tingting strong long lan blong hem, an hemi sore long olketa pipol blong hem.

Joel 3:16

Bae Yawe hemi stap long tambu maonten long Saeon long Jerusalem. Hemi singaot bikfala kam, an voes blong hem hemi olsem voes blong laeon. Ya, voes blong hem hemi kamaot bikfala tumas olsem tanda, nao graon an skae hemi seksek fogud. Bat hemi gohed fo lukaftarem gudfala olketa pipol blong Israel. An hem nao hemi sefples blong olketa pipol blong hem.

Neiham 1:2

(Profet) Yawe nomoa hemi God, an hemi no laekem eniwan hu hemi falom hem fo falom moa eni narafala god. Hemi kros tumas long evriwan hu i agensim hem, an bae hemi panisim olketa.

Sekaraea 1:14

An enjel ya hemi tok olsem long mi, ?Yu mas talemaot dat Yawe hu hemi garem evri paoa, hemi tok olsem, ?Jerusalem wea hemi stap antap long tambu maonten long Saeon, hemi taon blong mi, an mi garem strongfala tingting fo hem.

Diutronomi 29:20

Yawe bae hemi no save fogivim kaen man ya. Kros blong hem bae hemi kam long man ya olsem wanfala faea. An olketa trabol wea olketa raetem finis long disfala Buk blong Lo, bae i kasem hem, go-go Yawe hemi mekem no eniwan save tingim nem blong hem moa.

Diutronomi 32:22

Kros blong mi hemi laet olsem bikfala faea wea hem save bonem evrisamting long disfala wol an godaon kasem ples blong olketa man dae. Bae hemi bonem evri gaden blong yufala, an hem save bonem andanit long olketa maonten tu.

Hibrus 12:26

Long bifoa ya, voes blong hem hemi mekem graon ya fo seksek. Bat long disfala taem, hemi promisim yumi finis wea hemi sei, “Wanfala taem moa bae mi sekem disfala graon, an bae mi sekem skae ya tu long semtaem.”

Hibrus 12:29

Bikos God blong yumi ya, hemi olsem bikfala faea wea i save bonem evrisamting.

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 16:18

An taem ya, bikfala noes hemi kam, an laetning hemi laet, an tanda hemi bosta, an bikfala etkuek hemi sekem wol ya. Disfala etkuek hemi barava bik tumas ya. Stat kam long taem God hemi mekem pipol fo stap long wol, no eni etkuek hemi bikfala olsem.

Revelesin 16:20

An evri aelan an evri maonten tu olketa go lus.