Esikiel 37:3 - Pijin Bible

³ An hemi askem mi olsem, “Man blong graon. ?Waswe, olketa bon ya save kamap laef moa o nomoa?” Mi tok olsem, “Lod Yawe, yu seleva nomoa yu save.”

Pijin Deuterocanon

³ An hemi askem mi olsem, “Man blong graon. ?Waswe, olketa bon ya save kamap laef moa o nomoa?” Mi tok olsem, “Lod Yawe, yu seleva nomoa yu save.”

Esikiel 37:3 ပူးပေါင်းရင်းမြစ်များ

Sams 88:11

?Waswe, bae olketa hu i dae finis save tokabaotem moa disfala wei blong yu fo tinghevi long pipol? Olketa hu i dae finis i no save kipim moa olketa promis blong yu insaet long grev.

Esikiel 26:19

“Hem nao mi Lod Yawe mi tok olsem: Bae mi mekem olketa spoelem finis taon blong yufala, an no eniwan hemi stap moa long hem. An bae mi mekem bikfala solwata ya fo kavarem taon ya an spoelem yufala finis.

Esikiel 37:2

Hemi lidim mi goraon long ples ya, an mi lukim staka bon blong olketa man dae nao hemi stap. Olketa bon ya i barava drae fogud.

Gudnius abaotem Jisas Kraes wea Jon hemi raetem 5:21

Dadi ya hemi save mekem olketa hu i dae finis fo laefbaek moa. So semsamting long San blong hem, bae hemi givim laef long evriwan wea hemi siusim.

Aposol 26:8

?Bat waswe nao samfala long yufala i tingim hemi had samting tumas fo God hemi mekem eniwan fo laefbaek moa?

Leta wea Pol hemi raetem go long sios long Rom 4:17

olsem God hemi talem long Buktambu, “Mi mekem yu kamap olo blong olketa pipol long plande ples.” So long ae blong disfala God hu Ebraham hemi biliv long hem, disfala promis hemi tru nao. Hem nao God hu hemi givim laef long olketa pipol hu i dae finis, an hu hemi save mekem enisamting wea i no stap bifoa fo olketa i stap.

1 Korin 15:35

Nao samwan i maet ask olsem, “?Hao nao bae olketa hu dae finis olketa save laefbaek moa? ?Watkaen bodi nao bae olketa garem?”

Diutronomi 32:29

Sapos eniwan long yufala hemi waes, hemi save tingabaotem evrisamting wea hemi hapen finis, an bae hemi save tu wanem bae kamap.

Diutronomi 32:39

Yufala mas save. !Mi nomoa mi God! !No eni narafala god hemi stap! Mi save mekem man hemi dae, an mi save mekem man hemi laef. Mi save mekem man hemi garekil, an mi save mekem hem gudbaek moa. No eniwan save stopem olketa samting wea mi duim.

Hibrus 11:19

Ebraham hemi save dat God hemi save mekem Aesak fo laefbaek moa. An yumi save sei Aesak hem olsem hemi laefbaek moa from dae.

1 Samuel 2:6

“Yawe hemi save mekem man fo dae, an hemi save mekem man fo laef moa. Hemi save sendem man fo go long ples blong man dae, an hemi save tekem kambaek man from ples ya.