Esikiel 35:7 - Pijin Bible

⁷ Bae mi mekem lan blong yufala long olketa maonten long Seia fo kamap wanfala ravis ples. An olketa pipol hu i gopas long ples ya, bae mi kilim olketa evriwan dae.

Pijin Deuterocanon

⁷ Bae mi mekem lan blong yufala long olketa maonten long Seia fo kamap wanfala ravis ples. An olketa pipol hu i gopas long ples ya, bae mi kilim olketa evriwan dae.

Esikiel 35:7 ပူးပေါင်းရင်းမြစ်များ

Jeremaea 49:17

“Bae mi spoelem Idom finis, mekem evri pipol hu i lukim bae i tokspoelem hem. Olketa hu i gotru long hem, bae i seke fogud an toknogud long hem.

Esikiel 29:11

Bae no eni man o animol save stap long ples ya go-go kasem foti yia hemi finis.

Esikiel 33:28

Yufala gohed fo tokpraod an trastem nomoa paoa blong kantri blong yufala, bat bae mi finisim disfala paoa. Bae mi mekem disfala lan fo kamap nogud tumas, an no enisamting bae hemi stap long hem. Ya, bae mi mekem olketa maonten blong hem fo kamap nogud tumas wea no eniwan save go akros long olketa.

Esikiel 35:3

Yu talem olketa dat mi Lod Yawe nao mi tok olsem: !Olketa pipol blong olketa maonten long Idom! !Mi nao mi agensim yufala! Bae mi mekem ples blong yufala fo kamap nogud tumas, wea bae hemi no garem moa eni gudfala samting long hem.

Esikiel 35:6

So, mi mekem disfala strongfala promis long nem blong mi Lod Yawe hu mi laef olowe: Bae yufala mas dae from disfala ravis wei blong yufala. Bikos yufala heitem olketa wantok blong yufala long Israel, mekem olketa enemi save kilim olketa dae, bae olketa enemi aftarem yufala tu fo kilim yufala dae.

Esikiel 35:8

Bae mi kavarem olketa maonten, an olketa vali, an olketa smolfala riva long bodi blong pipol wea i dae long faet.

Esikiel 35:9

Ya, bae mi mekem lan blong yufala fo stap nogud olsem olowe nao, an bae no eniwan hemi stap moa long olketa taon blong yufala. From samting ya nao, bae yufala savegud dat mi nao Yawe.

Malakae 1:3

bat mi les long Iso. Dastawe nao mi spoelem finis disfala lan blong olketa laen blong Iso long olketa maonten blong hem, an letem fo hemi kamap ples blong olketa wael dog.?