Esikiel 35:10 - Pijin Bible

¹⁰ “Nomata mi lukaftarem tufala kantri long Jiuda an Israel, bat yufala nating tinghevi nomoa long mi, an yufala tok olsem, ‘Bae lan blong tufala kantri ya i blong yumi, an bae yumi go tekova long hem.’

Pijin Deuterocanon

¹⁰ “Nomata mi lukaftarem tufala kantri long Jiuda an Israel, bat yufala nating tinghevi nomoa long mi, an yufala tok olsem, ‘Bae lan blong tufala kantri ya i blong yumi, an bae yumi go tekova long hem.’

Esikiel 35:10 ပူးပေါင်းရင်းမြစ်များ

Sams 76:1

Long Jiuda olketa pipol i savegud long God. An long Israel olketa tinghae long nem blong hem.

Sams 83:13

So plis God yu mekem olketa fo olsem dast o dae lif wea win hemi bloum go olobaot nomoa.

Aesaea 12:6

!Yumi olketa pipol blong Saeon, yumi mas singaot bikfala! !Yumi mas singsing bikos yumi hapi! Bikos Holi God blong yumi long Israel, hemi garem bikfala paoa, an hemi stap wetem yumi nao.”

Aesaea 31:9

Bae King blong Asiria wetem olketa sif long ami blong hem i fraet fogud an ranawe from faet ya, bikos olketa lukim nao flag blong Yawe antap long Jerusalem. Ya, antap long maonten long Saeon, hem nomoa ples fo bonem sakrifaes fo wosipim Yawe. Hem nao mesij blong Yawe.

Jeremaea 49:1

Hem ya nao mesij wea Yawe hemi talemaot abaotem olketa blong Amon. Hemi tok olsem, “?Waswe nao god Milkom hemi save tekova long lan blong traeb long Gad? ?Waswe nao olketa pipol blong hem long Amon save stap long olketa taon blong lan ya? !Hemi olsem Israel hemi no garem man fo kipim graon blong olketa dadi blong olketa, mekem olketa save stap long hem!

Esikiel 26:2

“Man blong graon. Olketa blong taon long Taea i gohed fo tok olsem, ‘!Distaem olketa enemi i brekemdaon Jerusalem finis! !Bikos hemi nogud tumas, hemi no save blokem mifala fo no mekem bisnis wetem olketa narafala kantri! !Distaem, bae Taea save kamap gud moa an garem evri gudfala samting nao!’ An olketa gohed fo hapi an singaot bikfala.

Esikiel 36:2

Lod Yawe nao hemi tok olsem: Olketa enemi blong olketa long Israel i hapi tumas, an gohed fo tok olsem, “!Hem nao! Olketa hil ya wea i bin stap kam longtaem bifoa ka-kam kasem tude, i blong yumi nao.” ’

Esikiel 36:5

Ya, Lod Yawe nao hemi tok olsem: Kros blong mi fo kantri long Idom wetem olketa narafala kantri raonem yufala, hemi bone olsem hot faea. Ya, mi barava agensim olketa, bikos taem enemi hemi spoelem olketa pipol blong mi, olketa kantri ya i hapi tumas fo tekova long lan blong mi.

Esikiel 48:35

“Longfala blong bikfala wolston wea hemi goraonem taon ya bae hemi 9,000 mita. An stat long datfala taem ya, bae yufala gohed fo talem nem blong taon ya olsem, Yawe-Sama, wea hemi minim ‘Yawe hemi stap long dea.’”

Joel 3:2

Bae mi tekem kam evri pipol blong evri kantri fo hipap long ples ya olketa kolem Vali blong Jehosafat. Long ples ya nao, bae mi jajem olketa from evri nogud samting wea olketa bin duim long olketa pipol blong mi long Israel. Olketa narafala pipol ya bin divaedem olketa graon long Israel wea hemi lan blong mi, an ronemaot olketa blong Israel from barava ples blong olketa.

Emos 1:13

Yawe hemi tok olsem, ?Bikos olketa pipol blong Amon i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa faet fo tekova long samfala lan moa long Gilead insaet long Israel, olketa kilim dae plande pipol, an bikos long datfala taem tu olketa kasholem olketa babule woman, an katem bele blong olketa mekem olketa dae,

Obadaea 1:11

Bifoa, taem olketa enemi i kam long Jerusalem, olketa brekem olketa doa long wolston blong taon ya, an olketa kam insaet, bat yufala gohed fo lukluk nomoa, yufala nating helpem nomoa olketa brata blong yufala. Wei blong yufala hemi nogud tumas olsem wei blong olketa enemi ya. Olketa tekemaot olketa gudfala samting blong ples ya, an pleim daes fo lukim hu nao bae hemi tekem olketa nambawan samting.

Sefenaea 3:15

Yawe hemi finisim panis blong yufala. Ya, hemi ronem olketa enemi. King Yawe blong Israel hemi stap wetem yufala, an no enisamting save mekem yufala fraet moa.

Sekaraea 2:5

Mi seleva nao bae mi wolston fo gadem taon ya olsem faea wea hemi laet raonem. An bikfala paoa blong mi bae hemi saenaot insaet long taon ya.??

Nambas 35:34

“Yufala mas no letem enisamting fo mekem lan blong yufala hemi kamap nogud long ae blong mi, bikos mi Yawe, mi stap kam wetem yufala pipol blong Israel long lan wea yufala stap long hem.”