Esikiel 34:25 - Pijin Bible

²⁵ “Bae mi mekem strongfala promis wea bae olketa save stap gudfala long piis. Bae mi ronemaot olketa wael animol from disfala lan, an bae olketa save stap gud nomoa long olketa open ples, an save slip gud olobaot nomoa long bus.

Pijin Deuterocanon

²⁵ “Bae mi mekem strongfala promis wea bae olketa save stap gudfala long piis. Bae mi ronemaot olketa wael animol from disfala lan, an bae olketa save stap gud nomoa long olketa open ples, an save slip gud olobaot nomoa long bus.

Esikiel 34:25 ပူးပေါင်းရင်းမြစ်များ

Stori abaotem Job 5:22

Ya, long taem blong bikfala trabol, an hadtaem fo garem kaikai, bae yu hapi an laf nomoa. An bae yu no wari long olketa wael animol.

Stori abaotem Job 5:23

Ples wea bae yu mekem gaden long hem, bae hemi no garem eni ston long hem. An olketa wael animol bae i no kam fo kilim yu dae.

Sams 4:8

Lod Yawe, taem mi leidaon, mi slip gudfala tumas, bikos yu nao yu gohed fo gadem mi gudfala, hem nao mi sef. (Singsing blong Deved. Hem nao fo hemi singim wetem bambu paep.)

Provebs 3:24

Bae yu slip gud long naet, an bae yu no fraet.

Aesaea 35:9

No eni laeon o eni narafala wael animol moa bae hemi stap falom rod ya. Bat olketa pipol wea Yawe bin mekem olketa fri bae olketa nomoa save wakabaot falom rod ya.

Aesaea 54:10

Nomata olketa maonten an olketa hil i smas olsem asis, bat wei wea mi tinghevi long yufala olowe hemi no save finis. Promis ya wea mi bin mekem long yufala fo yufala stap gudfala long piis, bae mi gohed fo kipim evritaem olowe nao.” Hem nao toktok blong Yawe hu hemi garem sore fo yufala.

Aesaea 55:3

“!Yufala kam long mi! !Yufala lisin kam! Sapos yufala kam long mi, bae yufala save garem tru laef. Ya, sapos yufala kam, bae mi mekem wanfala spesol agrimen wetem yufala, wea bae hemi stap evritaem olowe nao. Bae mi tinghevi long yufala olowe long sem wei wea mi bin tinghevi long King Deved bifoa.

Aesaea 61:8

Yawe hemi tok olsem, “Mi Yawe nao mi laekem tumas olketa wei wea hemi stret, bat mi barava les long olketa wei fo stil, an fo duim olketa ravis samting. Bikos wei blong mi hemi stret fogud, bae mi blesim olketa pipol blong mi. An bae mi mekem wanfala strongfala agrimen wetem olketa, wea bae hemi stap olowe nao.

Jeremaea 23:4

Bae mi siusim samfala lida fo lukaftarem olketa gudfala. Nao olketa pipol ya no save fraet moa, o wikdaon long tingting blong olketa. An bae no eniwan long olketa hemi lus moa.” Hem nao mesij blong Yawe.

Jeremaea 23:6

Long taem wea hemi rul olsem king, bae hemi sevem olketa blong mi long Jiuda, an olketa blong mi long Israel bae i stap sef. An nem blong hem wea bae olketa kolem hem, hemi olsem, ‘Yawe Sedekenu.’

Jeremaea 32:37

Mi barava kros tumas long olketa pipol blong disfala taon, an bae mi ronemaot olketa go long olketa narafala kantri. Bat bihaen, bae mi tekem olketa kambaek long ples ya, nao bae olketa save stapgud moa.

Jeremaea 33:16

Long taem wea hemi rul olsem king, bae hemi sevem olketa blong mi long Jiuda, an olketa blong mi long Jerusalem bae i stap sef. An nem blong hem bae olketa kolem hem, hemi olsem, ‘Yawe Sedekenu.’

Esikiel 16:60

Nomata olsem, bae mi gohed fo kipim promis wea mi bin mekem wetem yu taem yu yangfala yet, an bae mi mekem narafala agrimen moa wetem yu wea hemi no save finis.

Esikiel 16:62

So, bae mi mekem niufala agrimen wetem yu, an bae yu savegud dat mi nao Yawe.

Esikiel 20:37

“Bae mi mekem yufala falom agrimen wea mi bin mekem wetem yufala, an divaedem olketa nogud pipol from olketa gud pipol, olsem wea man hemi lukaftarem sipsip hemi divaedem olketa sipsip blong hem.

Esikiel 28:26

Long datfala ples nao, bae olketa mekem moa olketa haos blong olketa long hem, an olketa save mekem plantesin long grep blong olketa. Bat bae mi panisim olketa narafala kantri wea i stap kolsap long olketa wea i gohed fo heitem olketa. An olketa ya long laen blong Israel, bae i stap gudfala an sef. From samting ya nao, bae olketa savegud dat mi nao Yawe God blong olketa.”

Esikiel 34:27

Olketa tri bae i garem plande frut, an olketa gaden bae i garem plande kaikai long hem. An olketa evriwan bae i save stap gud long lan blong olketa. Bae mi brekem olketa sen wea olketa man i taengem olketa long hem taem olketa waka olsem slev, an mi mekem olketa fo go fri. From samting ya nao, bae olketa jes savegud dat mi nao Yawe.

Esikiel 34:28

Pipol blong olketa narafala kantri bae i no save stilim moa evrisamting blong olketa, an olketa wael animol bae i no save kilim olketa dae moa fo kaikaim olketa. Bae olketa save stap gud an sef, an bae no eniwan save mekem olketa fraet moa.

Esikiel 37:26

Bae mi mekem strongfala promis wea bae olketa save stap gudfala long piis, an bae hemi wanfala promis wea hemi no save finis. Ya, bae mi blesim olketa, an mekem olketa kamap plande fogud. An bae mi mekem tambuples blong mi fo stanap long disfala lan blong olketa fo evritaem olowe.

Esikiel 38:8

Bihaen longtaem, bae mi kolem yu wetem bikfala ami ya blong yu fo hipap kam an mekredi fo faet. Long datfala taem, bae yufala kam long olketa maonten blong Israel fo faet agensim olketa. Bifoa, mi bin letem olketa enemi fo kam spoelem lan ya an ronem olketa pipol, mekem olketa stap olobaot long olketa narafala kantri. Bihaen, mi bin tekem olketa kambaek long lan ya, an stap gud moa long hem. Olketa maonten blong disfala lan bin emti fo longtaem, bat distaem olketa pipol i stap gud an sef nomoa long hem.

Esikiel 39:26

Taem olketa stap gudfala moa an sef long ples blong olketa, no eniwan bae hemi kam fo faet agensim olketa o mekem olketa fraet moa. Fastaem, olketa sem tumas bikos olketa lusim mi an mekem mi filnogud, bat bae olketa no tingim moa disfala samting.

Levitikas 25:19

Sapos yufala duim olsem, bae lan blong yufala hemi garem plande kaikai, an yufala no save sot, an yufala save stap gudfala long datfala ples.

Levitikas 26:5

So, bae yufala save garem staka kaikai winim wanem yufala save tingim. An bae yufala garem staka frut blong grep tri winim wanem yufala save tingim. An long ples blong yufala bae yufala fulap fogud long kaikai, an bae yufala save stapgud.

Levitikas 26:6

An bae mi mekem lan blong yufala fo garem pis, an bae yufala save slip gudfala an no save fraetem enisamting long naet. Olketa wael animol wea i save kilim dae pipol, bae mi ronemaot olketa from ples blong yufala, an bae no eni faet save kam long ples blong yufala.

Sekaraea 14:11

Olketa pipol blong ples ya bae i stap gudfala fo evritaem olowe. Bae no enisamting hemi save kam fo spoelem hem. Bae Jerusalem hemi sef.

Sekaraea 6:13

an olketa pipol bae i tinghae long hem olsem wea hemi nao king. An taem hemi gohed fo rul ovarem pipol blong hem, wanfala prist nao bae hemi stanap long saet blong hem olowe. Oltaem bae tufala waka tugeta long wanmaen nomoa, an long piis.?

Nambas 25:12

So mi mekem wanfala agrimen fo mekem hemi garem gudfala laef.

Hibrus 13:20

Disfala blad blong Jisas Masta blong yumi, hemi mekem kamtru disfala spesol agrimen wea hemi stap olowe. Long disfala blad nao, God hu hemi givim piis, hemi mekem Jisas fo laefbaek moa wea hemi stap olsem Nambawan Man fo Lukaftarem Sipsip.