Esikiel 33:5 - Pijin Bible

⁵ Hemi olsem bikos hemi herem trampet ya fo wonem olketa, bat hemi no tinghevi nomoa long hem. Sapos hemi bin lisin long woning long trampet ya an ranawe, hemi save sevem nomoa laef blong hem, bat hemi no duim.

Pijin Deuterocanon

⁵ Hemi olsem bikos hemi herem trampet ya fo wonem olketa, bat hemi no tinghevi nomoa long hem. Sapos hemi bin lisin long woning long trampet ya an ranawe, hemi save sevem nomoa laef blong hem, bat hemi no duim.

Esikiel 33:5 ပူးပေါင်းရင်းမြစ်များ

2 Kings 6:10

So king blong Israel hemi sendem nius go long olketa soldia long ples olsem mekem olketa redi fo faet. Plande taem nao Elaesa hemi bin wonem king olsem.

Sams 95:7

Bikos hem nao hemi God blong yumi, an hemi lukaftarem yumi olketa pipol blong hem. Ya, hemi lukaftarem yumi an hemi gadem yumi olsem olketa sipsip blong hem. Tude, yufala mas herem toktok blong hem. God hemi tok olsem,

Aesaea 51:2

Yufala tingim tu tufala olo blong yufala Ebraham an Sara wea yufala bin bon kam long laen blong tufala. Long taem wea mi bin kolem Ebraham hemi nating garem eni pikinini, bat mi blesim hem an givim wanfala pikinini boe long tufala. An mi mekem olketa hu i bon kam bihaen long hem fo kamap plande fogud.

Esikiel 18:13

Hemi gohed fo givim seleni long narafala man fo winim bikfala intres long hem. ?Waswe, bae man olsem save gohed fo laef nomoa? !Nomoa nao! !Bae hemi mas dae! Hemi gohed fo duim olketa ravis samting ya, an bae hemi mas dae. Bat rong blong hem seleva nomoa bae hemi mekem hem dae.

Esikiel 33:4

Sapos eniwan hemi herem trampet, bat hemi nating lisin long woning long hem, nao olketa enemi i kam an kilim hem dae, hemi rong blong hem seleva nao.

Gudnius abaotem Jisas Kraes wea Jon hemi raetem 8:39

Nao olketa tok olsem long hem, “!Ei, Ebraham nao hemi dadi blong mifala!” Bat Jisas hemi sei long olketa, “Sapos yufala laen blong Ebraham tru, yufala save duim semsamting wea hemi bin duim tu ya.

Hibrus 11:7

Noa hemi biliv long God, an dastawe hemi obeim God taem hemi wonem hem abaotem olketa samting wea no eniwan i lukim yet. Hemi wakem wanfala bikfala sip fo sevem olketa famili blong hem. An bikos hemi obeim God, hemi somaot dat olketa pipol blong wol ya i rong, bat hem seleva hemi kamap stret long ae blong God olsem evriwan hu i biliv long hem.