Esikiel 32:6 - Pijin Bible

⁶ An bae mi letem blad blong yu fo kavaremap olketa maonten, an fulumapem olketa smolfala riva.

Pijin Deuterocanon

⁶ An bae mi letem blad blong yu fo kavaremap olketa maonten, an fulumapem olketa smolfala riva.

Esikiel 32:6 ပူးပေါင်းရင်းမြစ်များ

Eksodas 7:17

So distaem Yawe nao hemi talem dat bae hemi duim samting fo mekem yu save dat hem nao hemi Yawe.’ Distaem bae mi hitim disfala wata long Nael Riva ya long disfala wokingstik wea hemi stap long han blong mi, an bae hemi kamap blad.

Aesaea 34:3

Ya, bodi blong olketa ya hemi staka fogud, an hemi no fitim nao fo berem olketa evriwan. Bae blad blong olketa hemi ran kamdaon falom maonten, an olketa bodi ya bae hemi roten an smel nogud long ples ya.

Aesaea 34:7

Olketa bikman blong Idom i olsem wael buluka. Ya, olketa i strong olsem man buluka. Bat nomata olsem, bae olketa ya i foldaon tu olsem evri narafala man long ples ya. Blad an gris blong olketa bae hemi fulap long graon olsem mad.

Esikiel 35:6

So, mi mekem disfala strongfala promis long nem blong mi Lod Yawe hu mi laef olowe: Bae yufala mas dae from disfala ravis wei blong yufala. Bikos yufala heitem olketa wantok blong yufala long Israel, mekem olketa enemi save kilim olketa dae, bae olketa enemi aftarem yufala tu fo kilim yufala dae.

Esikiel 35:8

Bae mi kavarem olketa maonten, an olketa vali, an olketa smolfala riva long bodi blong pipol wea i dae long faet.

Revelesin 14:20

An olketa gohed fo step antap long olketa frut insaet long hol wea hemi stap aotsaet long biktaon ya, go-go blad nao hemi ranaot from disfala hol. Blad ya hemi ran bikfala, hemi ran goaot farawe go kasem 300 kilomita, an dip blong hem hemi kasem kolsap tu mita.

Revelesin 16:6

Olketa hu i bin kilim dae olketa profet an olketa nara pipol blong yu, yu givim blad nao fo olketa dringim. Hem nao stret wei fo peim olketa.”