Esikiel 32:31 - Pijin Bible

³¹ “Taem king blong Ijip wetem evri soldia blong hem i lukim dat olketa ya i dae long faet, bae olketa filgud moa bikos olketa save dat olketa narawan tu i safa olsem. Mi Lod Yawe mi tok tru long yufala:

Pijin Deuterocanon

³¹ “Taem king blong Ijip wetem evri soldia blong hem i lukim dat olketa ya i dae long faet, bae olketa filgud moa bikos olketa save dat olketa narawan tu i safa olsem. Mi Lod Yawe mi tok tru long yufala:

Esikiel 32:31 ပူးပေါင်းရင်းမြစ်များ

Lamentesin 2:13

!O Jerusalem blong mi! ?Wanem nao mi save talem long yu fo helpem yu? !O Jiuda blong mi! ?Hao nao mi save liftimap tingting blong yu? Trabol blong yu hemi barava bik tumas, an no eniwan save mekem yu gudbaek moa.

Esikiel 14:22

Bat nomata olsem, samfala pipol long taon ya bae i gohed fo laef yet. An bae olketa soldia i tekem olketa kam long yufala hia long Babilonia. Taem yufala lukim olketa ravis wei blong olketa an evri ravis samting wea olketa duim, bae yufala no filsore tumas, bikos yufala luksave dat disfala bikfala panis wea mi givim go long pipol blong Jerusalem, hemi stret fogud. Hem nao mesij blong mi Lod Yawe.”

Esikiel 31:16

Taem mi torowem tri ya godaon long Grev, noes blong hem taem hemi foldaon, hemi mekem evri kantri i seksek. Olketa tri long Iden, an olketa nambawan tri blong Lebanon wea bifoa i garem wata fo mekem olketa grou gudfala, olketa tu i dae an godaon insaet long grev. An olketa filgud moa bikos disfala bik tri ya hemi foldaon finis.

Esikiel 32:32

Nomata king blong Ijip save mekem olketa pipol i fraet long hem, bat hem wetem evri soldia blong hem wea i staka tumas, bae i dae evriwan long faet. An bae olketa leidaon long grev wetem olketa hu i dae olsem wael dog long faet. Hem nao mesij blong mi Lod Yawe.”