Esikiel 32:12 - Pijin Bible

¹² An olketa soldia blong hem hu i no sore long eniwan, bae i kilim dae olketa pipol blong yu long faet. Olketa pipol blong yu, an evrisamting wea yufala long Ijip i praod long hem, bae olketa enemi i spoelem evriwan.

Pijin Deuterocanon

¹² An olketa soldia blong hem hu i no sore long eniwan, bae i kilim dae olketa pipol blong yu long faet. Olketa pipol blong yu, an evrisamting wea yufala long Ijip i praod long hem, bae olketa enemi i spoelem evriwan.

Esikiel 32:12 ပူးပေါင်းရင်းမြစ်များ

Jeremaea 46:12

Olketa kantri raonem yufala i herem nius wea yufala i sem tumas, an evriwea long wol ya, olketa pipol i herem dat yufala gohed fo krae bikfala. Taem olketa soldia blong yufala i gohed fo ranawe, olketa gohed satem gogo blong narawan, mekem olketa foldaon tugeta.”

Esikiel 28:19

Olketa pipol hu i save long yu i barava fraet tumas an seke fogud. Yu barava lus finis nao, an yu kanduit gudbaek moa.”

Esikiel 28:7

bae mi tekem kam olketa enemi wea i no garem sore long eniwan fo faetem yu. Bae olketa spoelem evri gudfala samting wea yu mekem long waes an save blong yu.

Esikiel 29:19

Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Esikiel 30:11

Bae king ya hemi kam wetem ami blong hem, an spoelem evrisamting long datfala kantri. Olketa raf moa winim evri narafala ami long wol, an olketa nating save sore long eniwan. Bae olketa kilim dae evri pipol blong Ijip long faet, an evri man dae nomoa bae hemi fulap long kantri ya.

Esikiel 31:11

Ya, mi les finis long hem, an mi givim hem go long disfala bikfala king blong olketa narafala kantri fo hemi barava panisim hem from ravis wei blong hem.

Esikiel 31:12

An olketa blong narafala kantri ya hu i nating garem sore, i katemdaon disfala tri an lusim bihaen. Olketa brans blong hem i foldaon an brek long olketa maonten, an long olketa vali, an long olketa smolfala riva. An evri kantri wea i haed long sado blong hem, i kamaot an lusim hem.

Esikiel 32:18

“Man blong graon. Yu mas krae an filnogud fo olketa blong Ijip wea i staka fogud. Yu mas sendem olketa godaon long grev wetem olketa blong olketa narafala kantri wea i strong tumas, mekem olketa stap wetem olketa hu i go finis long ples ya.