Esikiel 32:11 - Pijin Bible

¹¹ “Hem nao mi Lod Yawe mi tok olsem: Bae king blong Babilonia hemi olsem naef blong mi fo faet, an mi letem hemi kam mekem faet agensim yu.

Pijin Deuterocanon

¹¹ “Hem nao mi Lod Yawe mi tok olsem: Bae king blong Babilonia hemi olsem naef blong mi fo faet, an mi letem hemi kam mekem faet agensim yu.

Esikiel 32:11 ပူးပေါင်းရင်းမြစ်များ

Jeremaea 43:10

Nao yu tok olsem long olketa, ‘Yawe hu hemi garem evri paoa an hu hemi God blong Israel, hemi tok olsem: Mi nao bae mi talem wakaman ya blong mi, King Nebukadnesa blong Babilonia, fo hemi kam long ples ya, an bae mi mekem hemi putum bikfala sea blong hem antap long olketa ston ya wea mi bin talem long profet fo hemi putum. An bae hemi stanemap haostent blong hem long sem ples ya antap long olketa ston ya.

Jeremaea 46:13

Hem ya nao Mesij blong Yawe wea hemi talemaot long Profet Jeremaea abaotem taem wea bae King Nebukadnesa blong Babilonia hemi kam fo faet agensim Ijip. Hemi tok olsem,

Esikiel 26:7

“Hem nao mi Lod Yawe mi tok olsem: !Yufala long Taea! Bae mi tekem kam King Nebukadnesa blong Babilonia, hu hemi hae moa winim olketa narafala king, fo faet agensim yufala. Bae hemi kamdaon from saet long not, an hemi kam wetem wanfala bikfala ami, wetem olketa hos, an olketa kaat fo faet, an olketa soldia hu i ran long hos.

Esikiel 29:19

Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Esikiel 30:4

Bae olketa enemi i faet agensim Ijip, an olketa blong Kus bae i filnogud tumas. Bae plande pipol long Ijip i dae long faet ya, an bae olketa enemi i karimaot evri risis from disfala kantri, an spoelem kantri ya finis nao.

Esikiel 31:11

Ya, mi les finis long hem, an mi givim hem go long disfala bikfala king blong olketa narafala kantri fo hemi barava panisim hem from ravis wei blong hem.