Esikiel 31:4 - Pijin Bible

⁴ Hemi garem plande wata, an disfala bikfala springwata wea hemi ran andanit long graon mekem hem fo grou tol fogud. Bikfala riva wea hemi kamaot from springwata ya hemi ran go raonem botom long tri, an mekem tu plande smolfala riva moa fo go long evri narafala tri long bus.

Pijin Deuterocanon

⁴ Hemi garem plande wata, an disfala bikfala springwata wea hemi ran andanit long graon mekem hem fo grou tol fogud. Bikfala riva wea hemi kamaot from springwata ya hemi ran go raonem botom long tri, an mekem tu plande smolfala riva moa fo go long evri narafala tri long bus.

Esikiel 31:4 ပူးပေါင်းရင်းမြစ်များ

Provebs 14:28

Lida blong plande pipol, hemi garem hae nem. Lida blong tu-tri man, hemi samting nating nomoa.

Jeremaea 51:36

Dastawe nao Yawe hemi ansarem olketa olsem, “Olketa pipol blong mi. Bae mi saetem yufala ya, an panisim olketa enemi blong yufala, from olketa trabol wea olketa bin mekem fo kasem yufala. Olketa wata blong Babilonia wetem olketa bikfala riva blong hem, bae mi mekem olketa drae evriwan.

Esikiel 17:5

Igol ya hemi tekem moa disfala smol tri an hemi plantem long barava gudfala graon wea hemi garem plande wata long hem, olsem man hemi plantem wilo tri.

Esikiel 17:7

“Narafala bikfala igol moa hemi kam. Tufala wing blong hem hemi strong, an garem plande hea long hem. Grep tri ya hemi tanem evri rut blong hem go long disfala igol from ples wea olketa plantem long hem. Hemi stretem go olketa brans blong hem tu long igol ya mekem hemi save givim moa wata long hem winim ples wea hemi grou long hem.

Esikiel 17:8

Bat fas igol ya, hemi plantem finis disfala grep tri long gudfala graon wea hemi garem plande wata long hem, mekem hemi grouap gudfala an garem plande frut.

Revelesin 17:1

Wanfala long olketa sevenfala enjel ya, hemi kam long mi an hemi tok olsem, “Yu kam, mekem mi som yu panis wea bae mi givim long disfala biktaon wea hemi kolsap long plande riva. Disfala taon ya hemi olsem barava nogud juri.

Revelesin 17:15

Nao enjel ya hemi tok olsem long mi moa, “Yu save, olketa riva wea yu lukim disfala juri hemi sidaon kolsap long olketa ya, hem nao olketa pipol blong evri kantri an evri ples long wol, an olketa blong enikaen traeb an enikaen langguis tu.