Esikiel 30:9 - Pijin Bible

⁹ “Long datfala de wea olketa enemi i spoelem Ijip, bae mi sendem olketa mesenja long olketa bout fo go long kantri blong Kus. Olketa blong kantri ya i nating tingim dat bae trabol hemi kam. Bat taem olketa herem nius ya, bae olketa seksek an fraet fogud. !Datfala de bae hemi kam tru nao!

Pijin Deuterocanon

⁹ “Long datfala de wea olketa enemi i spoelem Ijip, bae mi sendem olketa mesenja long olketa bout fo go long kantri blong Kus. Olketa blong kantri ya i nating tingim dat bae trabol hemi kam. Bat taem olketa herem nius ya, bae olketa seksek an fraet fogud. !Datfala de bae hemi kam tru nao!

Esikiel 30:9 ပူးပေါင်းရင်းမြစ်များ

Aesaea 19:17

Olketa fraet tumas taem olketa herem moa olketa samting wea bae hemi duim. An evri taem olketa herem nem blong Jiuda, bae olketa fraet long kantri ya bikos Yawe hu hemi garem evri paoa hemi planem nao fo panisim olketa.

Aesaea 20:3

Taem olketa soldia blong Asiria i winim taon long Asdod, mi talemaot toktok blong Yawe olsem, “!Olketa! !Yufala lukim! Fo trifala yia nao, wakaman blong mi Aesaea hemi gohed fo wakabaot neket nomoa an hemi no werem eni sandol. Diswan hemi wanfala saen fo somaot olketa samting wea bae hemi kasem olketa pipol blong Ijip an Kus.

Aesaea 20:5

Evri pipol hu i dipen nomoa long olketa blong Kus an olketa blong Ijip fo helpem olketa, bae olketa tu i barava fraet an filsem fogud.

Aesaea 23:5

Taem olketa pipol blong Ijip i herem disfala nius abaotem taon long Taea, olketa fraet an barava wari fogud.

Aesaea 47:8

“!Lisin kam long disfala toktok, yu hu yu laekem tumas olketa samting wea yu hapi long hem! Oltaem, yu tingse bae yu stap gudfala nomoa. Yu talem olsem, ‘!Mi nao olsem God, an no eni narawan moa hemi olsem mi!’ Tingting blong yu hemi olsem woman wea hemi tingse bae hemi no save kamap wido, o hemi no save lusim eni pikinini.

Jeremaea 49:21

Taem olketa enemi winim datfala kantri, bae graon hemi seksek, an olketa hu i stap kolsap long Red Si save herem bikfala krae blong olketa.

Jeremaea 49:31

“Olketa blong Babilonia. Yufala mekredi an go faetem olketa pipol ya hu i stap gudfala an no garem eni nogud samting fo wari long hem. Olketa tingse olketa sef, an wolston blong taon hemi no garem geit o lok, an olketa no garem eniwan moa fo helpem olketa long taem blong faet.

Esikiel 24:14

“Mi Yawe nao mi tok. Hemi kasem taem nao fo mi duim samting wea mi bin talem. Bae mi no sore long yufala nao an mi no sensim moa tingting blong mi. Bae mi mas panisim yufala nao fitim olketa ravis wei blong yufala an olketa ravis samting wea yufala bin duim. Hem nao mesij blong mi Lod Yawe.”

Esikiel 26:16

Olketa king blong olketa kantri long saet si, bae i fraet an seksek fogud long disfala trabol wea hemi kasem yufala. Bae olketa tekemaot gudfala spesol kaleko blong olketa wea olketa somap olketa piksa long hem, an werem olketa ravis kaleko fo somaot sore blong olketa. Bae olketa godaon from bikfala sea blong olketa, an sidaon long graon an seksek nao.

Esikiel 27:35

“Taem evriwan wea i stap long olketa ples kolsap long saet si, i herem nius long disfala bikfala trabol wea hemi kasem yu, olketa seke fogud an filnogud tumas long hem. Pipol lukim fes blong olketa king an luksave nomoa wea olketa barava fraet fogud.

Esikiel 33:33

Taem olketa samting hemi hapen, an bae olketa samting mas hapen, bae olketa jes save dat wanfala tru profet bin stap kam long midol long olketa.”

Esikiel 38:11

An bae yu tok olsem, ‘Olketa pipol i stap long piis, an nating wari long olketa enemi. Olketa taon blong olketa no garem eni wolston raonem wetem strongfala geit an lok. Bae mi go tekova long disfala kantri.’

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.

Emos 4:2

Lod Yawe hemi barava holi, an hemi promis finis olsem, ?Wanfala de, olketa enemi bae i kam an hukum yufala long olketa huk, an pulum yufala goaot olsem fis.

Habakuk 2:3

Yu mas raetemdaon bikos taem blong olketa samting ya fo hapen, hemi no kam yet. Bat no longtaem, evrisamting wea bae mi somaot long yu hemi mas hapen. Yu maet tingse wea olketa samting ya bae hemi slou fo hapen. Bat yu mas gohed fo weit nomoa bikos bae hemi mas hapen long raet taem blong hem.

Sefenaea 2:12

?Olketa pipol blong kantri long Kus tu, bae Yawe hemi kilim olketa evriwan dae long faet.

Sefenaea 2:15

Olketa samting ya nao bae kasem taon wea olketa pipol i praod tumas long paoa blong olketa seleva, an tingse olketa stap sef nomoa. Olketa pipol i tingse taon blong olketa hemi nambawan winim eni narafala taon long disfala wol. Bat wea, taon ya bae hemi bagarap finis, an bae hemi kamap ples fo olketa wael animol i slip long hem. Olketa pipol wea i go pas long taon ya, bae olketa sek fogud an toknogud long hem.?

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.

Jajis 18:7

Nao faefala ya i go kasem taon long Laeis wea hemi farawe long not. Long datfala ples, faefala ya i lukim dat olketa pipol blong datfala taon i tingse hemi sef ples nomoa. An kastom blong olketa hemi olsem kastom long taon long Saedon, nomata Saedon hemi stap farawe from ples ya. Olketa i kuaet pipol nomoa an olketa no save faet o mekem trabol long eni narafala pipol. An olketa garem plande gudfala samting long lan blong olketa. An olketa nating wari nomoa long olketa narafala pipol kolsap long olketa.