Esikiel 30:25 - Pijin Bible

²⁵ Bae mi mekem king blong Babilonia fo kamap strong moa, bat disfala king blong Ijip bae han an lek blong hem hemi kamap wik fogud long fraet. Taem mi givim naef blong mi long hem, an hemi poen go long Ijip fo faet agensim, bae olketa savegud dat mi nao Yawe.

Pijin Deuterocanon

²⁵ Bae mi mekem king blong Babilonia fo kamap strong moa, bat disfala king blong Ijip bae han an lek blong hem hemi kamap wik fogud long fraet. Taem mi givim naef blong mi long hem, an hemi poen go long Ijip fo faet agensim, bae olketa savegud dat mi nao Yawe.

Esikiel 30:25 ပူးပေါင်းရင်းမြစ်များ

1 Kronikols 21:16

King Deved hemi lukim Enjel blong Yawe hemi stanap long midol long graon an skae. Enjel ya hemi holem wanfala naef fo faet redi fo kilim pipol long Jerusalem. Den Deved an olketa lida blong pipol i baodaon wea fes blong olketa i go kasem graon. Long datfala taem olketa werem olketa ravis kaleko blong sore.

Sams 9:16

Yawe hemi mekem olketa pipol fo save dat hemi jajem olketa pipol long stretfala wei. Bat olketa nogud pipol, olketa ravis wei blong olketa nao i spoelem olketa seleva.

Aesaea 5:25

Yufala nao olketa pipol blong Yawe, bat bikos yufala mekem hem kros tumas, bae hemi kilim yufala dae. Bae hemi mekem olketa maonten fo seksek an plande pipol nao i dae wea bodi blong olketa i stap olobaot nomoa falom olketa rod olsem ravis. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Esikiel 29:16

Ya, bae olketa blong Israel i no save luk moa long disfala kantri fo helpem olketa. Taem olketa blong Israel i lukim disfala samting, bae olketa tingim dat olketa bin rong fo trastem help blong hem. From samting ya nao, bae olketa save dat mi nao Lod Yawe.”

Esikiel 29:21

“Long datfala taem, bae mi mekem olketa pipol blong Israel fo kamap strong moa, an bae mi letem yu tokstrong long olketa, mekem olketa save herem yu. From samting ya nao, bae olketa savegud dat mi nao Yawe.”

Esikiel 30:19

Long wei ya nao, bae mi panisim Ijip, mekem olketa savegud dat mi nao Yawe.”

Esikiel 30:24

Ya, bae mi mekem han blong king long Babilonia fo kamap strong, an bae mi givim naef blong mi fo faet long han blong hem. Bat bae mi brekem tufala han blong king blong Ijip, an bae hemi krae fogud olsem man wea hemi garekil an hemi kolsap dae.

Esikiel 30:26

Bae mi ronemaot olketa pipol blong Ijip fo stap olobaot long olketa kantri long wol. From samting ya nao, bae olketa savegud dat mi nao Yawe.”

Esikiel 32:15

Long datfala taem, bae mi mekem lan blong yu fo kamap nogud wea no enisamting save stap long hem. An bae mi kilim dae evri pipol hu i stap long ples ya. From samting ya nao, bae yufala evriwan i savegud dat mi nao Yawe.

Esikiel 38:16

Bae yufala plande fogud, an bae yufala kavarem nomoa olketa pipol blong mi long Israel olsem wanfala bikfala klaod long ren wea hemi kavarem olketa ples. !O Gog! Long datfala de, bae mi sendem yu go insaet long disfala lan blong mi, fo som long olketa pipol blong evri narafala kantri wea mi nao mi holi.

Esikiel 38:23

Long datfala wei nao, bae mi somaot long evri kantri wea mi holi an mi garem evri paoa. From samting ya nao, bae olketa jes savegud dat mi nao Yawe.”

Josua 8:18

Bihaen, Yawe hemi tok olsem long Josua, “Josua. Yu apem spia blong yu an poentem go long Ai. Distaem mi letem yufala fo tekova long datfala taon.” So Josua hemi duim nao olsem wea Yawe bin talem hem.