Esikiel 30:16 - Pijin Bible

¹⁶ Mi bae mi putum faea long Ijip, an olketa blong Pelusium bae i barava safa tumas. Bae mi brekem olketa wolston blong Tebes, an nomata long delaet, bae olketa enemi i kam faetem taon long Memfis nao.

Pijin Deuterocanon

¹⁶ Mi bae mi putum faea long Ijip, an olketa blong Pelusium bae i barava safa tumas. Bae mi brekem olketa wolston blong Tebes, an nomata long delaet, bae olketa enemi i kam faetem taon long Memfis nao.

Esikiel 30:16 ပူးပေါင်းရင်းမြစ်များ

Jeremaea 44:1

Hem ya nao Mesij blong Yawe wea hemi talemaot long Profet Jeremaea abaotem olketa pipol blong Jiuda hu i stap long Ijip. Samfala long olketa pipol ya i stap long not blong Ijip long trifala taon long Migdol, an Tapanes, an Memfis, an samfala i stap long distrik long Patros wea hemi long saot blong Ijip.

Esikiel 28:18

“Long wei wea yu gohed fo mekem raverave bisnis wetem olketa narafala kantri, an plande ravis samting wea yu bin gohed fo duim, yu mekem olketa tambuples blong yu fo hemi no tambu moa. From disfala samting nao, mi laetem faea insaet long taon blong yu, an hemi bonem taon ya finis nao. Olketa wea i gohed fo lukluk taem disfala faea hemi bonem taon blong yu, olketa lukim dat hemi kamap asis nao.

Esikiel 30:13

“Mi Lod Yawe nao mi tok olsem: Bae mi spoelem finis olketa ravis kaving long Memfis. No eniwan long laen blong king bae hemi stap long Ijip fo rul ovarem kantri ya, an bae mi mekem evriwan long lan i barava fraet fogud.

Esikiel 30:14

Bae mi spoelem distrik long Patros long saet long saot mekem no eniwan hemi stap moa long hem. Bae mi putum faea long taon long Soan wea hemi stap long not. An bae mi panisim kapitol taon blong olketa long Tebes.

Esikiel 30:15

Pelusium hemi nambawan strongfala sef ples long Ijip fo haed, bat bae mi mekem olketa blong taon fo filim bikfala paoa long kros blong mi. An nomata Tebes hemi garem plande pipol long hem, bae mi spoelem olketa finis.

Esikiel 30:17

Olketa yang man blong tufala taon long Heliopolis an Bubastis bae i dae long faet, an olketa enemi bae i tekem olketa narafala pipol hu i laef yet fo wakaslev long narafala kantri.

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.

Hosia 9:6

Nomata samfala long olketa i laef yet bihaen taem wea disfala bikfala trabol hemi kamap, bat bae olketa blong Ijip i hipimap olketa tugeta nomoa, fo berem olketa long Memfis wea hemi kapitol blong Ijip. An evri ples wea olketa bin stap long hem bifoa wetem evri gudfala samting blong olketa wea olketa wakem long silva, bae bikfala bus an olketa ropnila nao hemi kavaremap.