Esikiel 30:14 - Pijin Bible

¹⁴ Bae mi spoelem distrik long Patros long saet long saot mekem no eniwan hemi stap moa long hem. Bae mi putum faea long taon long Soan wea hemi stap long not. An bae mi panisim kapitol taon blong olketa long Tebes.

Pijin Deuterocanon

¹⁴ Bae mi spoelem distrik long Patros long saet long saot mekem no eniwan hemi stap moa long hem. Bae mi putum faea long taon long Soan wea hemi stap long not. An bae mi panisim kapitol taon blong olketa long Tebes.

Esikiel 30:14 ပူးပေါင်းရင်းမြစ်များ

Sams 78:12

Long flat ples long Soan long Ijip, God hemi bin mekem olketa mirakol fo olketa olo i lukim.

Sams 78:43

Long de ya wea olketa stap long flat ples long Soan long Ijip, an God hemi mekem olketa mirakol blong hem, olketa nating tingim nomoa.

Aesaea 11:11

Long taem ya, Lod God bae hemi yusim moa paoa blong hem fo tekem kambaek long mektu taem olketa pipol blong hem hu i laef yet from olketa narafala kantri, olsem from Asiria, an Ijip, an Patros, an Kus, an Elam, an Babilonia, an Hamat, an from olketa kantri kolsap long solwata, an from olketa aelan long solwata.

Aesaea 19:11

Olketa lida blong taon long Soan wea hemi kapitol blong Ijip i krangge an olketa i olsem samting nating nao. An olketa waesman blong King i givim nao olketa rong advaes long hem. !Olketa! ?Sapos olsem, hao nao yu save talem dat yu waes, an hao nao yu save talem dat yu long laen blong olketa king blong bifoa?

Aesaea 19:13

!Olketa lida blong tufala taon long Soan an Memfis i kamap krangge nao! !Olketa bikman long kantri ya i lidim rong nao long olketa pipol!

Aesaea 30:4

Olketa bikman blong yufala i go finis long bikfala taon long Soan long not an olketa man fo tekem mesij i go finis long Hanes long saot fo lukaotem help evriwea long Ijip.

Jeremaea 44:1

Hem ya nao Mesij blong Yawe wea hemi talemaot long Profet Jeremaea abaotem olketa pipol blong Jiuda hu i stap long Ijip. Samfala long olketa pipol ya i stap long not blong Ijip long trifala taon long Migdol, an Tapanes, an Memfis, an samfala i stap long distrik long Patros wea hemi long saot blong Ijip.

Jeremaea 44:15

Nao olketa man hu i save dat olketa waef blong olketa i gohed fo bonem insens fo mekem wosip long olketa narafala god, an olketa woman hu i gohed fo stanap long ples ya wetem plande pipol blong Jiuda moa wea i kam from not blong Ijip an from saot blong Ijip, olketa tok olsem long Jeremaea,

Jeremaea 46:25

Hem ya nao toktok blong Yawe hu hemi garem evri paoa an hu hemi God blong Israel. Hemi tok olsem, “Taem bae hemi kam wea mi panisim god Amon, god blong Tebes, an bae mi panisim tu olketa evriwan long Ijip, wetem king, an olketa god, an olketa bikman, an evriwan hu hemi dipen long king ya.

Esikiel 29:14

Bae mi tekem olketa kambaek long wanfala gudfala ples saet long saot, wea olketa grani blong olketa long bifoa i bin stap long hem. Bae olketa garem king, bat kingdom ya bae hemi no save kamap strong moa.

Esikiel 29:19

Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Esikiel 30:15

Pelusium hemi nambawan strongfala sef ples long Ijip fo haed, bat bae mi mekem olketa blong taon fo filim bikfala paoa long kros blong mi. An nomata Tebes hemi garem plande pipol long hem, bae mi spoelem olketa finis.

Esikiel 30:16

Mi bae mi putum faea long Ijip, an olketa blong Pelusium bae i barava safa tumas. Bae mi brekem olketa wolston blong Tebes, an nomata long delaet, bae olketa enemi i kam faetem taon long Memfis nao.

Esikiel 30:19

Long wei ya nao, bae mi panisim Ijip, mekem olketa savegud dat mi nao Yawe.”

Esikiel 30:8

Taem mi putum faea long Ijip, an olketa pipol hu i helpem olketa i dae evriwan, bae olketa savegud dat mi nao Yawe.

Neiham 3:8

(Profet) !Olketa blong Nineve! ?Waswe, yufala tingse paoa blong yufala hemi strong moa winim taon long Tebes, wea hemi kapitol blong Ijip bifoa? Nael Riva nao hemi bin go raonem bikfala taon ya, an gadem gudfala olsem bikfala wolston, mekem olketa enemi no save spoelem.

Nambas 13:22

Fastaem olketa go fo lukluk long haf blong lan long saot, an kasem taon long Hebron. Hebron hemi ples blong olketa long laen blong Ahiman, an laen blong Sesae, an laen blong Talmae. Olketa pipol blong Hebron ya i long laen blong Anak. Taon long Hebron hemi barava olfala fogud. Taon long Soan long Ijip hemi wanfala olfala ples, bat Hebron hemi sevenfala yia olfala moa winim Soan.