Esikiel 29:19 - Pijin Bible

¹⁹ Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Pijin Deuterocanon

¹⁹ Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Esikiel 29:19 ပူးပေါင်းရင်းမြစ်များ

Aesaea 19:4

Bae mi putum wanfala king wea hemi raf tumas an hemi mekem pipol safa tumas, fo rul ovarem olketa pipol blong Ijip.” Hem nao mesij blong Lod Yawe hu hemi garem evri paoa.

Esikiel 26:5

Taon blong yufala hemi stap midol long solwata, an bae hemi kamap nomoa ples wea olketa man fo fising i putum net blong olketa long hem fo drae. Mi Lod Yawe mi tok tru long yufala: Olketa blong evri narafala kantri i winim yufala, an karimaot evrisamting blong yufala fo olketa.

Esikiel 30:14

Bae mi spoelem distrik long Patros long saet long saot mekem no eniwan hemi stap moa long hem. Bae mi putum faea long taon long Soan wea hemi stap long not. An bae mi panisim kapitol taon blong olketa long Tebes.

Esikiel 30:4

Bae olketa enemi i faet agensim Ijip, an olketa blong Kus bae i filnogud tumas. Bae plande pipol long Ijip i dae long faet ya, an bae olketa enemi i karimaot evri risis from disfala kantri, an spoelem kantri ya finis nao.

Esikiel 31:2

“Man blong graon. Yu mas talem king blong Ijip wetem olketa pipol blong hem wea mi tok olsem: “Yufala garem paoa, an no eniwan hemi strong olsem yufala.

Esikiel 32:11

“Hem nao mi Lod Yawe mi tok olsem: Bae king blong Babilonia hemi olsem naef blong mi fo faet, an mi letem hemi kam mekem faet agensim yu.

Esikiel 32:15

Long datfala taem, bae mi mekem lan blong yu fo kamap nogud wea no enisamting save stap long hem. An bae mi kilim dae evri pipol hu i stap long ples ya. From samting ya nao, bae yufala evriwan i savegud dat mi nao Yawe.

Esikiel 38:12

“Bae olketa pipol ya i kambaek from olketa narafala kantri an mekem baek moa olketa taon ya wea olketa enemi bin spoelem olketa, an bae olketa garem plande animol an plande narafala samting. Bat bae yu mekem ravis plan fo faet agensim olketa an tekem evrisamting blong olketa ya hu i stap long barava midol long wol.