Esikiel 28:8 - Pijin Bible

⁸ Bae olketa kilim yu dae long ples blong yu midol long si, an torowem yu godaon long ples blong olketa man dae.

Pijin Deuterocanon

⁸ Bae olketa kilim yu dae long ples blong yu midol long si, an torowem yu godaon long ples blong olketa man dae.

Esikiel 28:8 ပူးပေါင်းရင်းမြစ်များ

Stori abaotem Job 17:16

?Waswe, sapos mi dae an godaon long grev, bae disfala sans fo kamap stret hemi save godaon wetem mi long ples blong olketa man dae?

Stori abaotem Job 33:18

Bikos bae hemi no letem olketa godaon long grev. Ya, bae hemi no letem olketa dae long faet.

Stori abaotem Job 33:28

Mi kolsap dae an godaon long grev, bat hemi kipim mi from dae, hem nao mi laef yet fo lukim delaet.”

Sams 28:1

Lod Yawe, mi krae go long yu bikos yu nao yu strongfala sef ples blong mi, plis yu herem kam krae blong mi. Sapos nomoa, bae mi dae nao ya.

Sams 30:9

Mi bin tok olsem, “? Bae wanem nomoa yu winim, sapos mi dae? ?Watkaen gudfala samting nao bae yu garem, sapos mi godaon finis insaet long grev? !Olketa man hu i dae finis i no save preisim yu! An olketa no save talemaot gudfala wei blong yu.

Sams 55:15

Mi laekem tumas olketa enemi blong mi fo dae bifoa hemi kasem taem blong olketa. Ya, taem olketa laef yet, mi laekem olketa fo go long disfala nogud ples blong olketa pipol wea i dae finis, bikos ravis wei hemi stap finis insaet long laef blong olketa an long tingting blong olketa.

Sams 55:23

God, bae yu torowem olketa hu i kilim man dae an olketa hu i laea, fo go insaet long olketa grev blong olketa seleva, taem olketa yangfala yet. Bat bae mi gohed fo trastem yu nomoa. (Singsing blong Deved. Hemi wakem bihaen long taem wea olketa long Filistia i holem hem long taon long Gat.)

Provebs 1:12

Nomata olketa stap gud distaem, bae yumi sendem olketa go long grev.

Provebs 28:17

Yu no helpem man hu hemi fit fo panis bikos hem bin kilim man dae, bae hemi no save stap kuaet go kasem taem hemi dae.

Aesaea 14:15

Bat hemi no olsem. Distaem, yu godaon long Grev nao. Datfala ples hemi dip tumas winim evri narafala ples.

Aesaea 38:17

Hemi gud fo mi safa olsem, mekem mi luksave wea bikfala lav blong yu hemi sevem mi from olketa bikfala trabol. An yu tekemaot finis olketa sin blong mi, an torowem finis bihaen long yu, an yu fogetem olketa finis nao.

Esikiel 26:12

Olketa enemi ya bae i tekem olketa gudfala samting blong yufala, an olketa samting blong yufala fo salem, an karim go fo olketa. Bae olketa brekemdaon bikfala wolston blong yufala, an brekemdaon olketa haos blong yufala wea i barava luk barava spesol fogud. An bae olketa karim evri ston ya wetem olketa timba an olketa graon blong yufala, an torowem go insaet long si.

Esikiel 27:34

Bat distaem solwata hemi spoelem yu finis, an yu draon finis long dipsi. Olketa kago blong yu, an evri wakaman blong yu, i lus finis wetem yu insaet long si.

Esikiel 28:9

?Waswe, sapos yu stanap frant long olketa hu i kilim yu, bae yu save talem nomoa yu wanfala god? Yu ya, yu man nating nomoa ya, an yu no wanfala god.